哲學仔

Your face your fate?我就話your叻your fate

Decrease Font Size Increase Font Size 文字大小 列印

20080802_75a9f97110074042b810kHG2YuB176K4

 

 

啲毒男成日話:「your face your fate。」其實認咗佢啦,你溝唔到女唔關你樣衰事,係因為你唔叻,我唔信馬雲溝唔到女囉。
 

 
點解話your叻 your fate呢?因為當一個人覺得你叻叻豬嘅話,即係佢欣賞你,佢欣賞你嘅時候即係對你有好感,有好感就自然畀機會你上位啦!
 

 
所以靚仔雖然有優勢,甚至可以加成一個人嘅長處,但並唔係一切,一個相貌平平但係風趣幽默嘅男人可能比一個金玉其外嘅男人食得更加多女。
 

 
有啲人可能唔同意,覺得唔係喎,我啲電腦明明好叻,點解我女神都睇唔上我,反而睇上嗰條只係識玩埋啲低能魔術嘅MK仔?
 

 
咁其實一個人覺唔覺得你叻其實唔係只睇能力,仲要睇下你叻嘅地方。
 

 
即係話,一條撚唔係只講長唔長,大唔大,仲要睇下同對方陰道嘅形狀夾唔夾,咁先至令雙方都感受到最大嘅快樂。
 

 
或者,你嘅電腦技術其實去到世界級,但對於佢嚟講,亦只不過係一個可以幫佢跑下腿嘅小兵仔,你嘅電腦技能只係可以幫佢整下電腦、砌下機,但係條MK仔就係一個滿足到佢時刻要驚喜呢個需要嘅叻人,所以自然值得托付感情啦!
 

 
而每個女仔個叻嘅標準都唔同,有啲女仔覺得打籃球嘅男仔好叻,有啲呢就鐘意文青,有啲比較毒嘅,可能鍾情於頭腦聰明嘅理科男,但係無一例外,喺佢地心目中,叻嘅男仔都好有吸引力。(其實個標準係會變架,一個女仔可能喺中學覺得讀到書嘅男仔好叻,去到大學可能鍾意知識淵博嘅男仔,出到嚟社會做嘢又會覺得事業有成嘅男人好叻,所以女人鐘意律師、banker唔一定拜金,而係真心覺得佢地好叻叻豬~)
 

 
有啲人睇到呢到,可能會諗,我下次見到女神一定要展現下自己叻嘅一面。
 

 
屌,都話每個女仔個叻嘅標準都唔同,你喺到大發偉論,覺得自己好叻好charming嘅時候,人地當你柒頭咋!
 

 
孫子兵法有云:「知己知彼,百戰百勝。」無錯,追女就係一場博奕,當你有target(s)嘅時候,當然要去好好了解下你嘅對手,睇下佢(哋)嘅興趣係咩啦!如果你叻嗰範係佢(哋)有興趣嗰範,而你嘅能力又比佢(哋)高好多,恭喜你,你已經得到佢(哋)嘅仰慕之情。
 

 
如果人地鐘意文學,而你只識電腦,同時又無信心短期內文學水平超越佢,算吧啦,趁早收皮,無謂當兵損己利人,人貴自知呀~
 

 
咁如果佢食正你個範,你又可以點樣畀佢知道你好叻呢?
 

 
下集再講,如果有下集的話~

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================