西利膠

法蘭克福腸多角度分析

Decrease Font Size Increase Font Size 文字大小 列印
photo via cc flickr user Jeremy Keith

photo via cc flickr user Jeremy Keith

 

 

嗱嗱嗱,一樣米養百樣人,個個喜好不同。呢篇純粹係我嘅觀察及經驗之談。

 

如果你覺得你比較鍾意食花旗熱狗腸、法蘭克福腸,(個人認為唔需要理會班自卑父權撚嘅目光,想做就做,不過大前提係照顧好自己)咁點去搵呢??點樣手到拿來呢??其實,真係唔好以為食鬼仔係ABC嘅專利,大家戰鬥力其實都係100開始;同埋唔好以為佢哋淨係鍾意啲賓賓,因為絕對唔係,各花入各眼咋嘛(並唔需要刻意曬黑:傻啦,加速老化,有皺紋唔靚架)。

 

首先,同香港啲工一樣,你英文唔需要叻,最緊要夠膽講。真係架,試過同一個好醜樣但係好鍾意食紐倫堡腸嘅女仔去獵男,佢相貌,我要重覆多一次,醜;英文,溝通到咪得囉。英文講得好固然能夠表達自己得好啲,但係如果只係覓食,咁就唔係必須的!人哋明咪得囉。況且啪啪啪係身體互動,唔需要英文嘅高深造詣!第二,主動、主動、同埋主動!又攞返頭先個例子啦,我自覺自己索過條女多多聲(樣貌身材,everything),根本任何正常人都會咁諗,因為佢實在太below mean,但係最後佢1:0贏咗我喎,拖咗條 極 級 靚 仔 嘅仔仔返屋企。點解?我一碌木棟咗喺度(唔醉亦都唔想醉過龍,好難拿捏),而佢就好主動撩仔仔跳舞、傾計、總之主動就係王道!咁當然靚仔嘅有時要自己爭取,個場未必只得你一個索,好多嘢要自己首先採取行動捕獵啊。 第三:信心。做咩都要,尤其是獵男。唔駛多解釋。第四:通常對鬼仔嚟講,個屁股嘅靚、豐滿係大比數重要過對胸嘅大細。所以就算係你覺得你係AAA級細的話,唔好瘦到條藤咁其實一定冇問題。

 

咁邊種腸最好食?見仁見智咁講一定冇錯,然而咁嘅話駛我講咩… 我嘅睇法係(排除飲醉咗扯旗不能):

 

花旗熱狗腸:技巧完勝,真係架,好識得運用條嘢,招式多,鍾意幫你吹。長度粗度好好,非常滿意,通常比較高大。

英倫bangers and mash:算撚數,個個都仆街,又唔係特別靚仔!賤係最能夠概括這類存在。jawline通常四四方方,好唔靚!我建議略過。

袋鼠肉腸:性能好,經過好多輪賽事仍然有氣有力,通常樣子唔差,但係止於above mean,少有驚艷嘅感覺,有好可愛(或難聽,睇你點睇)嘅澳洲口音。

法蘭西多士腸:救命呀,通常一開始係覺得靚仔,但係唔係話好有wow factor,但係通常越睇越靚仔!啲肌肉爆晒燈!著住件白色貼身恤衫,個寬闊嘅膊頭嘅型出晒嚟!同埋衫鈕與衫鈕之間若隱若現曬黑咗嘅古銅色肌膚,嗚呀!加埋法國人天生嘅浪漫氣場,帶有法文口音嘅英文超可愛,例如wifi 會讀做 (wee-fee),唔使多講,呢種係筍盤!搵佢揀邊隻紅、白酒最好!(香港超多法國人)

意大利:通常比較粗暴,幾大男人主義,會狂野啲,係溫柔嘅對立。唔鍾意幫女仔吹。

北歐:藍眼睛通常係guarantee!如果鍾意金髮藍眼,就北歐啦!

本地臘腸:溝通上一定贏條街。大家嘅世界觀差異會無咁大,語言唔會係障礙,一講就明,唔駛解釋 “I am from Hong Kong, I am not a Chinese.” n 咁多次。只不過長度同埋粗度欠奉並唔係傳說,而係事實。招式或者情趣培養方面,我覺得有待改善。

 

當然啦,我只能夠根據個人及友人有限經驗分析,sample size 唔大對population 嘅推算當然會好有影響了。

 

後話:好多港男會對鍾意鬼仔/同鬼仔啪嘅女仔好有偏見,誇張啲講句,差啲好似變成性小眾咁,因為自卑嘅父權撚充斥住口裡開放、心裡卻很保守嘅香港。同埋佢哋鍾意日本、台灣、支那女仔就無問題,你鍾意鬼仔就係崇洋媚外。咁係咪林屈氏話你廢青你就係廢青呢?理X得佢哋點講吖,係咪連自己喜好都要得到別人認可而屈就?傻的嗎?如果見到個鬼仔肥、矮、醜、冇品,任何女仔都會耍手擰頭啦,而唔係佢哋口中撲埋去腿張開。據我了解,除了先天性因素如身形冇咁高大之外,後天因素更值得參考。鬼仔通常身形魁梧,周身肌肉。點解?因為佢哋在乎自己身形,而將呢種在乎付諸於行動,日日做gym。男性身體相比起女性身體,只要肯操,肌肉線條好很快操倒出嚟。所以懶就怪唔得人啊!唔夠人嚟,條路自己揀,仆街唔好喊!

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================