糖不甩

梗有一個係左近「我都想搵返個sp」

Decrease Font Size Increase Font Size 文字大小 列印

5310b4_dc2803b0eeb54bb1b8f468f6dc18a064 (1)

 

梗有一個係左近「我都想搵返個sp」
亞欣投犒
見到好多個sex secrets都招sp (sex partner咪sex partner,可唔可以唔好叫study partner。又要威又要戴頭盔!)令我諗返起… 曾幾何時,我都有個sp。我覺得我算好彩,我個sp正正常常,仲幾高質。高質除咗係外表之外,仲係佢好明白女仔要啲咩… 之前同佢講過我鍾意聽日文歌,第一次佢就已經準備好咗係到播。雖然話sp都係雙方願意,但第一次點都會有啲驚同緊張,你估嚟就嚟咩!性關係,就只係有性? 好多人覺得sp冇愛,但始終都要有feel,有啲好感,如果唔係真係搞唔到。要搵個夾到嘅sp,其實仲難過中六合彩,我搵到我個高質sp之前,其實都有約過d出嚟,不過個d真係好唔啱,所以冇咗下文。
性,其實唔係咁簡單。sp仲係一段好唔簡單嘅關係…

我亦都聽唔少sp失敗經歷,包括比人偷拍、比人強迫咁嚟、發現原來個個人有特殊僻好等等。性行為本身就有風險,好似係性病、懷孕等等,宜家你同一個陌生人試,有好多嘢你估唔到。唔好以為男仔一定冇得輸,男仔都會有唔想嘅時候、又有可能比人偷嘢、又有聽過有人做完先知個女仔未夠16。
唉,損失咗錢財身外物都算啦…如果奶嘢就好慘,但最最最最最慘嘅莫過於動咗真心。做做吓,你可能就覺得佢幾好,好想了解佢多d,認識下佢。最初大家覺得大家嘅生活冇咩關係,係一個好好嘅傾訴對象,講嘅嘢比朋友仲多,慢慢就依賴咗佢,想佢唔只做你sp咁簡單,仲想做埋佢男/女朋友…雖然個時,我都同自己講,唔會同佢有嘢,大家只係想要sex,但都係忍唔住要去search佢facebook同ig,之後比我發現咗,其實佢有女朋友…
但你一定會覺得,其實邊有咁恐怖,我真係好想要,有事都唔輪到我啦,我個frd都冇事啵等等。如果你真係想試… 我會提提你…
先小人後君子
都搵咗做sp啦 就唔好尷尬 一開始同佢講定有咩唔做得先 例如:一定要戴套、唔可以綑綁等等,亦都可以講自己鍾意啲咩咁,睇下配唔配合到。如果唔想太close,可以講定唔想add facebook, ig個d,覺得大家應該有d距離。
認真,唔好飲酒或者不明來歷嘅嘢
唯一一次唔安全嘅sp性行為就係因為飲咗酒…之後真係好驚,驚有病,驚有咗,就算外射都會有伽嘛。簡單啲,個個飲咗酒嘅防範意識同意志力都會好低,你sp可能會用唔同理由說你飲酒,話飲少少冇事嘅,大家放鬆下,飲完酒會放啲咁…講真,sp係咪真係咁信得過,你自己決定啦。
最係就係執生啦,始終性行為本身就有風險,同陌生人做就危上加險,好多嘢提唔到你。總知你要知道自己係做緊高危嘢,可以恐怖過玩跳樓機,就算係已經搞咗幾次嘅固定sp都要小心。有事,可能係跟你一世。

 

 


糖不甩討論區有性治療師同義工答你問題!識揀, 一定揀糖不甩

Discuss.stickyricelove.com

網站:http://www.stickyricelove.com/

Facebook:https://www.facebook.com/stickyricelove/

IG:stickyricelove

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================