史兄

【平安夜(失身夜)前夕呈獻】酒精FAQ

Decrease Font Size Increase Font Size 文字大小 列印
photo via cc flickr user nenuache

photo via cc flickr user nenuache

Q. 點解喜慶節日要飲酒?飲可樂唔得嫁咩?

A. 人類可以係短時間內飲得最多既,一定係酒,多過可樂雪碧,多過好立克,多過利賓納,多過水,多過地溝油。你有冇見過人一次過飲十幾鑵可樂? 偏偏有人會飲十幾鑵啤酒。三兩知己一晚可以開四五支紅酒,邊有人開兩三支葡萄適? 我試過溝女同人猜好立克,一局一杯,玩到五局,對方已經投降啦仆街! 以其他野代替酒,非不為,實不能也。

更重要係,酒能亂性,你飲咖啡飲到胃潰瘍,飲到咀爛都只會眼光光然後你眼望我眼。連香港政府都話,「於喜慶佳節飲酒或許被視為「社交的潤滑劑」」。白紙黑字講明俾你知,酒係 KY 呀仆街!飲完酒條女就會部車入左去洗車機咁 - 自動濕晒。唔明乜野係洗車機,當你睇完呢條片,你仲話唔飲酒?想屌閪連少少代價都唔肯出,you fucking spoiled kid!

 

Q. 要防止飲酒猝死,有什麼辦法?

A. 最徹底既方法係,唔好飲酒 (看我是多麼善解人意!); 起碼要知道自己身體有冇暗病,例如心肌梗塞,心臟病等 (順便檢查下有沒有陽萎)。更加要肯定自己對該類酒精無敏感。有數個朋友對酒精敏感,飲完會出現氣喘,身痕 - 大概等同好些小朋友對花生敏感。好些對啤酒等平價貨敏感,但對威士忌等貴價貨又沒有。世事就是這麼神奇。

如果你兩樣都做唔到,又要飲酒。咁記住 :

一,千祈唔好溝酒飲. 百威可以溝喜力,但啤酒不可以溝威士忌,玫瑰露亦不宜混入紅酒。皆因溝酒飲,嘔既機會,接近 100%. 死既機會,大過 100%,即係死梗. 聖誕新年,街頭總有人嘔到好似耶穌釘十字架咁 - 左右各一友人扶住,然後佢企係度嘔… 即係嘔落自己個身度. 情況何奇淒美?

二,如果之前無飲開酒,徵狀如飲一杯就訓,聞一下就醉,望一下就暈,咁你千祈唔好飲烈酒(威士忌及伏特加酒精濃度在 40% 以上,還有各式 shooters). 記住,淨係飲啤酒. 紅酒酒精成分不高,酒量淺者亦頂得住; 但啤酒有氣,唔飲得既人好快個肚似有啤啤咁,飲唔落,醉既機會亦大減.

三,女士們千祈唔好飲d 易入口既酒。皆因,越易入口,越易飲得仲多,醉既機會越高. 數年前有一杯好美麗既雞尾酒,叫林保堅尼 - 對,是與跑車牌子同名的飲品. 佢吸引人既地方,係貴,出名貴。同埋,個伙計係會係你面前點著杯酒,舊幾水杯酒點火,蒸發左一半先叫你飲… 世間就充滿各樣無知的人和事。無論如何,即使杯酒會著火,但其實非常易入口. 我當年就見過不少女生,飲下又一杯,飲下又一杯,飲飲下自己醉左都唔知。

順帶一提,飲酒後做任何運動,不論運動既地點係床上或者床下,都係非常危險既事. 心跳加速會令酒精及血液運行得更快,醉得更勁。所以男生要係平安夜要平平安安咁令人失身,都係飲少D 好。當然,對方要飲多D。

男生也別因一時之快而逞強 (我講緊既呢d 快感係來自飲酒),明知到頂仲係咁飲。好多人就係咁飲到入醫院。據聞每年聖誕,自行入院的醉酒人士特別多。

 

Q. 市面上有許多解酒丸,解酒藥. 可以先服用再飲嗎?

A. 大家係去玩,唔係去賣命。做乜要咁辛苦,食解酒藥去飲酒? 飲極唔醉,一肚水,其實好辛苦. 除非你係同日本人,韓國人,內地人傾生意,咁呢D 藥就大派用場。否則,去派對,唔好食呢D 藥。要食,食定偉哥。

大時大節,大家要抱住一個輕鬆既心情去玩。淺嘗與否,任君抽插; 飲酒只係幫你放鬆心情。拎住杯紅酒拜神,或者一杯威士忌,三五知己吹水講笑。平安夜可能遇上心儀的對象,酒不醉人人自醉,真係長夜漫漫. 何必只爭朝夕?儲精千日1,射在一時,係咪?

 

Q. 如何知道自己到頂?

A. 憑經驗。這不是說笑,你未飲醉過,實在唔會知自己個頂係邊. 這也是為什麼許多飲酒後猝死的,都是酒門新手 - 數年前好像有個新郎定兄弟新婚之晚就咁領野. 若你飲到想嘔,應該即刻停止,唔好再飲。到你身痕,出現一粒粒紅點,已經太遲. 若你膚色較白,飲到變紫 (好似十元紙幣咁既顏色),更應該即刻飛的入醫院洗胃。

若果你想知自己到頂未,不妨飲飲下叫朋友玩「醉酒佬行直線遊戲」。顧名思義,就係叫晒你所有朋友一齊行直線,或者跑直線。若果你行唔到,固之然係飲醉; 之不過你行到都唔使開心,因為一個清醒既人係唔會參加呢D 遊戲 (除左奧運 100 米賽跑)。所以,無論你行唔行到,一參加呢個遊戲就代表你已經有D 醉意,某程度上已經係飲醉酒。

 

Q. 飲酒的人當中,哪一種人最恐怖?

A. 大學開始飲酒,飲到三十一歲有痛風無再飲,個十幾年,酒吧酒窖酒樓酒店有酒冇酒既地方我都試過同人飲. 記錄係當年稻香打邊爐,$8一支青島大啤,一行十二人飲左百幾支 (每人飲左十支).

見過各式各樣既人,惟獨有一種人,我係唔敢同佢暢飲. 個種人既口頭禪係:「我唔會飲醉」或者「我未試過飲醉」。真係飲過酒既,無可能冇醉過; 話自己唔會飲醉既,只有兩種可能:佢最多只飲過一杯啤酒 (或者一鑵jolly sandy,甚至乎係一啖薑啤),或者佢醉左自己唔記得。呢種人最容易飲醉,最慘係醉左自己都唔知。

據我觀察,通常飲完酒發癲既,都係呢類人。

如果你既朋友好飲得,猜枚好勁,唔使驚。正如不怕有神一樣的對手,只怕有豬一樣的隊友。如果你去飲酒,隨行既有一個或以上表示佢地 「唔會飲醉」,「我好飲得」,「未試過飲醉」,你最好袋定兩個惠康膠袋 (btw,自從要收$0.5一個之後,我好少見到惠康膠袋。屌你而家百佳既膠袋仲稀有過 Air Jordan 11),同埋著定護陰。

人發酒癲,係可以好癲。

 

Q. 萬一飲醉酒,點算?

A. 其實無「萬一」呢回事,因為飲醉酒同交稅一樣,係人生裏面係無可避免. 再者,問點算既並唔係飲醉個個,而係冇飲醉或者未飲醉既人。皆因飲醉酒既人,同你女朋友一樣,都係大撚晒。要執手尾既從來都係無乜點醉既人。所以大學時與友人去飲酒,大家都飲到鬥快醉咁款…

飲醉酒最辛苦並唔係飲醉個陣 - 就如係床上做某些事時,個陣其實好撚 high - 而係第二日. 過度吸入酒精會令身體出現缺水既情況,繼而出現頭痛,肚痛 (飲醉酒第二朝大便的機會率是戶愚呂弟 150% 中的 150%),戇鳩鳩等徵狀,人稱 hangover。若果你仲有一丁點意志力,麻煩飲一支 1.25 公支既水或保礦力先好訓覺。擔保第二日戇鳩鳩既情況能減至最低。

 

Q. (For 女生 only) 萬一飲醉,點算?

A. 要睇下同行有冇咸濕既男性友人. 有,你都放心可以返到屋企 (係咪自己屋企我唔敢講). 千祈千祈唔好合埋眼,皆因好多女生飲醉酒就呼呼大睡,其實好危險. 同埋唔好一個人去飲酒,最好有 d 比較熟既女生一起去.

你看,我們政府可愛的網頁,也只有 「男士醒目飲酒法」女人飲酒係唔需要醒目既,明未? 蠢蠢地既女生最好愛最可愛,究竟仲要扮聰明扮到幾時? 世界末日都過撚左咧屌你,你成為待屌的姑娘是有原因的。

 

Q. (For 男生 only) 萬一對面條女飲極唔醉,點算?

A. 傻豬,如果條女係想醉,哪會飲極都唔醉? 飲一杯啤酒就 (詐) 醉啦。如果你發覺飲左兩支威士忌,條女都仲好似天安門個解放軍咁迄立不倒; 若剛好你那小鋼炮也迄立不倒,我建議你去廁所自己發洩一下好了。兩支威士忌最平都要五六百元,何苦還要虐待自己個肝 (同埋荷包)? 回家打手槍好了。一次不行,打兩次。打到射空氣,打到射血,打到唔再想打為止。對面條女,一係根本不想與你有下場,一係蠢過隻豬 (見上題),你何苦還要人獸交?

 

Q. 怎樣訓練酒量?

A. Practice makes perfect. 買定半打青島,或一兩枝威士忌,放係雪櫃。得閒拎出黎飲一兩鑵/杯,飲得一年半載,包你千杯不醉。

不過咁,當你訓練到七七八八,千杯不醉,但偏偏不醉無歸之時,亦是你取得 痛風 呢個特殊技能既時候。所以酒量這回事,本質上和女朋友差不多 - 無既時候好想有,有既時候發覺無乜用。

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================