幼齒淫娃

不愛洋腸的港女

Decrease Font Size Increase Font Size 文字大小 列印
885887_630014613748902_184243318367017945_o

(洋腸港女事件圖片)

 

 

上兩個星期同男朋友喺屋企睇左成日Hong Kong seven直播,講真對比足球我都係啱 rugby,人少節奏快,冇咁易瞓著嘛!

 

我睇得好興奮既同時,佢喺我隔離不斷囉囉唆唆咦咦吟吟,估下佢吟乜?

「哇你睇下班鬼佬幾大隻?你班港女仲唔濕哂?」

「你睇下上面啲女觀眾幾 high?使唔使呀!」

「咁多洋腸黎香港,呢幾日一定周街西隧啦!」

「你估佢地打完rugby今晚食到幾多條女吖啦」

「班白種人就好啦,聲都唔使出都屌到女啦一定,你估啲黑人會唔會都有港女追住含?」

 

真係嚇死我。呢啲毒撚晦氣對白平時絕對唔會喺我個自大男友口中聽到。我嗰下就明白,原來每個黃種人面對白種人都會有種不知從何而來的自卑感。

 

先不論因為外表想食洋腸此舉恰不恰當,我就對外國人冇乜好感,唔係對佢地的既定形象有乜意見,而係認為一段認真既關係入面溝通太重要。

 

再講價值觀,當我地相信唔係同一階層下長大都會有溝通障礙既時候,唔同國家唔同文化造成既鴻溝會有幾大?佢來自共產國家但你支持民主?佢期待男女平權但你希望佢俾禮金?

 

再講言語,想唔想像到嗌交時要狂查字典?想唔想像到用詞不當導致磨擦同誤會?係咪諗住帶住siri拍拖?

 

就算大家幾啱傾幾投契精通八國語言,共同集體回憶佢知唔知?親切感佢有冇?佢知唔知乜叫黑過黑鮑嬌?有冇玩過chok chok下既數碼暴龍機?記唔記得無頭東宮劇情?有冇笑過董伯伯扮腳痛?知唔知道沙士嗰陣日日探熱好煩?有冇做過mk成班中學同學去長洲屈喺房玩通頂?知唔知邊個陳庭佳?當你想分享陳庭佳最近結左婚(真係)感嘆時光飛逝,佢問who is chan ting guy?你會唔會咁有耐性同靚仔洋腸解釋oh he is a pk onYouTube?解釋左一件事,有冇耐心解釋以後千千萬萬件事?亦或要一個會即刻同你rap返兩咀拔萃有個大仆街佢個名叫做陳庭佳既柒頭?

 

冇錯,人係應該向前看創造未來。但現在既自己卻係由一件一件小事慢慢建立,冇人可以放低過去。

點解他鄉遇故知咁令人感動?甚至可比久旱逢甘露?因為feel囉,共鳴囉親切感囉我念舊囉。

 

當然,我都好期待遇到一個土生土長既靚仔大隻洋腸既,不過唔會溝我囉。

 

我真係好愛香港男人,甚至我夠膽話應該真係此生不變。

 

不過當然我係唔會同我男友講,聽完佢發up瘋,我只係應左佢一句:「係嫁啦,我地女人鍾意鬼佬又型又靚仔又高大又洋腸,你唔妥?唔好鍾意架妹也咩嗲囉。」

 

咁就收左佢皮。正一廢柴。

 

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================