關於父權物化女性，我想說的是……
photo from PEXELS
呢排成日講援交，係因為有人公開自己做援交。其實我並唔反對援交，我有朋友做援交都係朋友圈子內公開嘅秘密。但係佢哋講到援交係「反拍拖霸權」、「反父權」、「女性身體自主」、「婚姻另類協調人員」……其實佢哋講出口之前有冇經過個腦先？
當中講到︰
「以前性同婚姻更被視為資源，以前女性冇經濟能力往往被視為男人嘅財物呢d種種都令明碼實價嘅賣身變得「錯」，因為你被認為作賤緊自己，同時自私咁用自己嘅身體搵錢。追本溯源，根本無人認為女人可以完全擁有同控制自己嘅身體。父權。」
女人出去做援交呢種明買明賣嘅行為，係唔係當自己身體同性係一種資源？如果當個閪係財物，透過販賣陰道使用權而獲得金錢或者類近回報，呢種又係唔係父權式物化女性？
定係作者當女人唯一嘅經濟能力就係販賣陰道使用權？
就好似有人話「港女唔會比黑警屌」呢個活動係物化緊自己，如果可以選擇比咩人屌都係物化自己，你拎自己出去賣就唔係？將個胸、口、陰道嘅使用權放上網或者IG比人揀完之後出嚟比人屌，呢個又唔係當自己係貨？又唔係物化緊自己？
我覺得同我係超市同街市買豬肉牛肉同菜冇分別。
更何況，係做雞嘅情況之下想「有權控制自己情慾同身體」唯一嘅方法就係揀客，不過揀完客上到房，咪又係為錢除衫，而比錢果個仲要係男人，好父權，好要不得，我嚴正抗議物化女性。
唯一打破父權對女性身體控制嘅方法就係做雞唔收錢，唔收錢就冇貨同買家嘅身份，真正情慾身體自主！
另一方面︰
「另外，點解要限定女人嘅最大嘅價值就係將自己銷出去？而且銷出去嘅標準、獲取『信任』等全部由男性定義。父權囉。」
其實諗清楚少少，做雞做援交做性工作者，最大嘅價值都係將自己銷出去。你有青春你賣春，銷自己出去。你有陰道賣陰道使用權，銷自己出去。你有樣去做MODEL，銷自己出去。你有波去賣身，銷自己出去。你有口才去做公關，銷自己出去。
唔同嘅地方就係結婚係賣比一個老闆，返工係賣比好多個老闆，喂有分別咩？
如果擇偶標準係男人定，我會仲開心，有男人彈女人鐘冇女人彈男人鐘。但係大家都知，其實女人唔係咩男人都受嘅，不嬲都係人揀我我揀人，拍拖同愛情都係雙向嘅，兩個人嘅信任係雙方一齊建立嘅，唔公平咩？
女人夠對男人有一定標準啦，要大隻要有錢要有能力要有樓要有車要有咩要有乜，呢個真係標準女性極權主義，女人可以對男人有要求，當男人對女人有要求，父權囉。
一方面講到雞咁好做，又要挑戰呢個父權制度，最後又嚟個反高潮話因為社會接受唔到所以唔做，同生花友真係冇分別。
「做雞好呀做雞啦，好好搵好易搵，不過唔好搞我。」
P.S.要討論賣子宮到底有咩錯，首先要分返到底係講緊器官販賣果隻賣子宮，定性工者對「子宮」有咩睇法。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
