做雞就做雞啦，扮咩感化世人？
photo from PEXELS
話說幾星期之前我聽咗集《勞思動眾》-「援交妹擴闊世人對補習老師嘅想像」。其實佢所謂「援交妹擴闊世人對補習老師嘅想像」呢點係幾好笑，正正因為咁好笑我就去搵下呢個人啲人睇睇，佢有講到︰
「對於女人出去做妓女、娼婦、雞或援交，一直以來都好似係一種禁忌。大部份人一路出賣情感肉體，一路相信做雞係萬萬不可嘅事。」
作者提及的網台節目：
首先，有必要解釋一吓咩係「援交」，「援交」一詞起源自日本嘅「援助交際」，援助大家都知道係講緊錢，而交際就係……交際囉。援交本意係同個客行吓街食吓飯睇吓戲拖吓手，個客志在有女陪，同時享受吓拖靚女出街惹人稱羨嘅感覺，條女有免費街去又可以賺錢買花戴，至於最後爆唔爆房就係另一件事。就好似日本好hit 嘅另類援交「JK散步」，唔少客人都好睇重同JK妹散步嗰part，始終年輕肉體畀到個客一種風塵女子畀唔到嘅戀愛感覺，話係賣緊夢想都不為過，因為佢哋賣緊一種青輕嘅感覺，畀上咗年紀嘅叔叔或者溝唔到女嘅可憐蟲，有得試吓戀愛嘅滋味。當然，散完步有得同JK妹爆埋房就最好啦。
不過去到後期就變質，一方面班客冇咁好耐性，要行街食飯睇戲咁多額外支出，去到最後先可以提爆房，如果條女唔鍾意仲直接可以拒絕個客。所以，市面上就出現咗嘅速食援交，即係睇啱直接上房，根本已經同做雞冇分別啦。
正如我上一篇《點解我老母生我唔係女人》，女人喺搵工方面真係有好大優勢囉。呢排有人喺網上開誠佈公自己開始做援交，竟然仲有人支持佢。我一面驚訝原來做援交門檻咁低，一方面抱住「笑貧不笑娼」嘅睇法去研究吓。
以前我哋笑貧不笑娼，因為為娼者可能有原因，可能係屋企、家人、另一半等等難言之隱。但係呢個CASE佢好開誠佈公之餘，仲認為做援交係一種女性身體自主嘅行動，而且十分自豪有人睇完佢寫嘅嘢之後真係走咗去做援交。
W.T.F.
「我覺得吸毒係一種人類身體自主嘅行動，我好自豪有人睇完呢句之後去吸毒。」
「我覺得自殘係一種人類身體自主嘅行動，我好自豪有人睇完呢句之後去自殘。」
「我覺得自殺係一種人類對生命同命運自主嘅行動，仲高尚，我好自豪有人睇完呢句之後去自殺。」
「反正搵著個心靈溝通唔到嘅人，繼續stay in a relationship 又要prep生日節日禮物、又要嗌無聊交同陪未來外母飲早茶 最後換嚟都係吃喝玩樂二人份 + 拍拖的形式（有手拖／有閪屌／有舊嘢攬吓） + 有拖拍嘅身份（being taken唔洗做單身狗）……」
當然如果拍拖為咗屌，真係不如搵炮友。拍拖唔係只係為咗屌，只有嗰啲本身拍拖係為咗屌嘅人先會覺得，拍拖係想上床，食飯想上床，睇戲係想上床，行街係想上床，連呼吸都係想上床。又或者對佢地嚟講拍拖就等於食玩瞓屌，真係好可悲。拍拖嘅好處之一，就係將自己嘅世界觀帶去對方個世界入面，擴闊大家嘅眼界，不過呢啲咁高深嘅嘢，我下次再講。
如果呢啲叫「拍拖霸權」，而援交可以打破佢，我真係好多謝你。不過呢，我想講呢個世界有人單身都好自由好幸福，根本就唔存在霸權呢樣嘢，呢方面唔該收一收先。
佢好自豪咁講有人睇咗佢嘅事跡而去咗做援交，又可以幫人RESTORE對自己身體嘅自信心，但係就唔敢同屋企人講佢出去援交。即係連佢自己都說服唔到自己做呢件事係正確啦，你咁正道，屋企人一定會支持你㗎。唔好同我講話屋企人思想保守接受唔到佢援交之嘛，唔代表佢講嘅嘢唔啱，其實我都冇話佢出嚟援有問題，咁既然佢想藉住援交呢種女性身體自主行動去打破父權，點解唔敢行出嚟？
喂，Sex Work is Work，都係打份工啫！仆街如我都識唔少援交妹，有唔少真係為咗錢，呢啲我都好欣賞佢，起碼佢大大聲講我係貪錢。有啲真係屋企有問題佢出走，搵唔到工唯有出嚟賣。
如果做援交同做教育冇分別，點解要做援交唔做教育？又點解要做教育唔做援交？喂兩星期萬六呀，我有閪我都去做啦，倒頭來咪又係錢，呢啲錢仲要係賺取父權所得嘅紅利，因為所有客都係男人，最後咪又係取悅男人去搵錢。
其實出嚟援交真係冇問題，有錢我都想幫襯吓當幫朋友，但係打一大堆嘢出嚟將援交正道化同合理化，小姐，你似想說服自己多過說服人喎。
「Sex work is work」呢句說話本來係因為性作者好多時不受工會或者警犬保障，就算唔犯法都好，都係比人睇唔起。所以先發起「Sex work is work」，認為性工作者都應該受到社會保護同合法化。2014年8月國際特赦組織投票通過，決定開發保障性工作者嘅法例。
有時聽到有做援交嘅人出嚟講「Sex work is work」，之後又出寫嘢又訪問咁，我只能夠話知少少扮代表。就好似拎句「唯女子與小人為難養也」就話孔子係父權撚一樣咁撚憨鳩。
呢個時代未必個個都係逼良為娼，但係有冇人問過佢哋係唔係真係想做呢份工先？如果有得揀佢哋未必會做呢份工。
睇返「Sex work is work」嘅最高境界係「Sex work just a job」，性工作者同文員、教師同警察都冇分別，都係一份有糧出要付出嘅工作，呢點我完全認同。但係如果我唔係Sexworker就等於係道德高地講「Sex work is work」，要實戰先可以真正了解「Sex work is work」，咪又係另一種道德高地，其實咪又係消費緊「性工作者」嘅「Sex work is work」，沒有誰比誰高尚。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
