AV一定係最識玩Marketing嘅行業

Decrease Font Size Increase Font Size 文字大小列印電郵分享

網絡圖片

得罪講句，就算4A又好TOP 10又好，講Marketing玩法同市場反應，最快一定係AV廠商。

如果有留意開，就會發現AV廠商對市場同潮流都好敏感，而且反應神速。除咗基本嘅女學生、人妻同搭訕之外，仲有好多不同嘅玩法同題材。

比如呢頭小丑女紅起，外國唔夠一星期就立即有小丑女Cosplay AV出現，復仇者聯盟未上就有AV版出，邊套動畫漫畫多同人本TMA好快手有真人版出現。如果有Game出例如《Resident Evil》、《Lollipop Chainsawl》等又會引伸出喪屍同啦啦隊隊長AV，期後又發展成日本妖怪系列。更唔好提激似系列，嗰期興邊個明星，唔夠一個月就可以搵到另一個差唔多樣嘅女仔去拍AV。女格鬥家、書法家、健美小姐、蛇貓狗呢啲另類題材，再進一步有Pokémon、海綿寶寶、Adventure Time等等，你有諗過同冇諗過嘅題材都拍過AV，真係只差你未俾人拎嚟做題材。

除咗題材之外，拍攝手法都層出不窮。由睇到悶嘅偽電車痴漢系列嗰種寫實嘅拍攝手法，又或者感謝祭嘅記錄片形式，又有上原亞衣嘅《青春100公里》同《全員逃走中》呢種遊戲真人SHOW形式，一泊二日旅遊雜誌、盜攝、魔鏡號、情侶社會實驗、偽素人、鬼屋廢墟等等，真係講得出嘅拍攝手法都拍過AV。

仲有資源運用都係一絕，例如某AV女星要引退就會一連幾個月都有佢嘅AV推出，由精選、合集到復刻，清純到重口味都一應俱存。同一個泳池可以用足十年、同一部魔鏡號三五不時又出現返。SOD女子社員企劃呢條橋可以話長做長有，先將某個即將出道嘅AV女優扮素人職員，呢啲職員都不外乎係SOD女子社員、看板娘、OL等等看似與AV女優完全拉唔埋嘅職業，扮返一兩套素人AV試下水溫，賣到就正式出道。呢條橋用咗不下數十次，但係依然有人BUY有人睇有人買，出道仲有支持者。

所以AV真係唔止抽抽插插嘅活塞運動，背後嘅企劃、創意、手法、宣傳，甚至女優本身嘅形象設計都係一層又一層嘅創新同努力，佢哋嘅反應同創新程度真係拍得住廣告商同Marketing爭一日之長短，下次睇AV記得睇埋工作人員名單先好去洗手。