爽健

口講口賠嘅永結同心

Decrease Font Size Increase Font Size 文字大小 列印

 

百年好合,永結同心,係每對有情人都啱聽嘅說話,但正如魯迅一世紀前已批評的中國人 —- 只想聽奉承話,受不起真相,閣下對小孩父母說「細蚊仔終歸會死的」,或者對情侶說「拍拖唔係結婚就係散」,儘管你講嘅係真話,你還是會犯眾憎。

換句今日的說法:一般人只相信自己以為的「事實」,並非想要真正的真相,或者川普講嘅 Alternative Fact,未拍拖嘅人會有綺夢有幻想有錯誤期待,拍緊拖嘅人亦然,就算有情人結到婚成到親,人類還是喜歡重複錯誤,好說話呀,好意頭呀,就算後生冇所謂,老嘅都一定阿支阿佐,什麼唔順老嘢嘅意,他們未死都講足半世之類的說話,屢聽不厭。

與其說講真話怕得罪人,倒不如說大家都諱疾忌醫,自欺欺人嘅嘢不用分那麼細。

婚禮上再多的祝福和恭喜,都不敵當事人一朝醒來忽然變心一念,正如唔係住四樓嘅人始終會死,發過誓要貧窮苦難都在一起都唔一定會在一起嘅,口講口賠,口惠而實不至,情人之間戀人絮語,認真不一定會輸,但也別以為自己贏面很高。

聽其言觀其行,人與人之間的誠意看的是行動,吹到再大的泡沫始終是一場空,百年好合永結同心,同心如何永結?宇宙亦不會永恆,更何況人。

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================