女人對波簡直就係最美好嘅存在

Julia

吳浩康被爆婚前偷食，當街啜大胸女。

吳浩康都唔係第一次衰偷食，之前同另一個嫩模拍拖時都爆出過同其他女仔有親密行為。吳浩康嘅問題，係喺一段關係裡面唔夠忠誠，唔識避忌。

呢個係一個期望問題，男人都中意周圍做女人湯丸，沉溺於女人香之中，呢個係人之常情。只不過，你中意被女人圍住嘅同時，你接唔接受你另一半周圍同男仔依泣先。你接受到，無嘢格，咪大家各有各玩囉。你接受唔到的話，咁你又憑乜嘢有特權先，憑你多碌鳩攞正牌充血時無腦呀？

不過對於吳浩康今次偷啜大波妹，本貝勒又覺得多少有啲情有可原？大佬，你睇吓鍾舒漫？真係太瘦喇，無波、無身材，人對於得唔到嘅嘢會覺得特別有吸引力，咁身邊女友無波，自然對於波有更深嘅迷戀。

講起波，好多女人就會一臉鄙夷咁話「挑你班男人個個都係咸濕底！大波有乜好？着衫唔好睇，又姣，老咗又會墮，仲容易生乳癌添！有咩好呀？Angelina Jolie 都走去割波啦！」，講得出呢句說話嘅，九成都係平胸妹妹，得不到的葡萄是酸的，長不到的波波是會生癌的。早幾年楊千嬅主演過一套戲講女人生乳癌對女人嘅打擊，睇咗之後就明白，「胸」呢樣嘢，係男女都咁中意，咁重要嘅。

對女性黎講，胸係身體一部份，亦係「女性」嘅一個象徵。呢個象徵唔係咩父權物化之下嘅產物，而係天生嘅一個重要性徵。有胸部之後而又唔畀你好似男人咁露出黎，呢個先係叫社會壓迫。所以本貝勒一向好贊成女性可以袒露上胸，與男人睇齊，女性主義者應該朝呢個方向爭取一下。

對男人黎講，女人對波簡直就係最美好嘅存在。有人話波令男人記得 BB仔食奶時嘅美好回憶，有媽抱，有嘢

食，不知幾爽，所以殘留到大個咗都仍然記得呢種美好感覺。本貝勒覺得一半半啱，因為男人對波嘅熱愛，同女人相比係不成比例地喜愛。你問本貝勒十分裡面有幾多分中意波，本貝勒會答你十二分。而好多人會不屑話「呸，大波老咗咪又墮囉！」呢啲人先係真正唔尊重女性呀，大波墮墮地不知幾正，果實最成熟最豐滿時都係墮墮地嫁啦，係熟透嘅表現，先係好嘢最香最甜呀。

大波沉甸甸咁，你就咁托住已經好有滿足感，好實在，幫女伴分擔佢嘅負擔。而且對波軟綿綿，輕輕揸係一種手感，大大力揸又係第二種感覺。打圈咁揸又係唔同感覺。仲有錫，仲有可以埋個頭入去，簡直係千變萬化。

好多女人呢個時候又會鼓躁，呢啲唔係叫物化女性，世界上本來就有某些嘢係多啲人中意，某些嘢少啲人中意，美學嘅嘢就係咁簡單。一個男人，咪又係高大嘅男人會受女性歡迎多啲，咪又係大大隻有安全感嘅男人受歡迎啲，唔通又係物化男人咯喎？

事實上女人已經比男人「着數」，本貝勒上面講嘅係大波嘅美妙之處，係不．代．表其他特質嘅女人唔正的。女人最正最銷魂嘅地方係，無論邊一種外貌都有佢銷魂嘅地方，面尖固然係標緻，面圓咪可愛囉。大波當然係好揸，細波果啲叫小巧。小肚腩叫凝脂，小蠻腰叫楚腰（扭力勁呀）。腿短係蘿莉感，腿長又玩成晚。相比之下，男人有乜好？本貝勒成日都唔明，男人又臭又唔係靚，有幾多個男人係健身到成個健美先生咁？何況女人對男人要求根本就真正包容，好多女人都唔介意男人肥同醜。

講返吳浩康，佢個問題唔係食大波女呀，佢個問題係「違反契約」呀，你拍得拖，仲要同教徒拍拖，都明白對方係幾咁重視忠誠嘅男女關係嫁啦，返埋教會婚前輔導喎大哥。一次又咁兩次又咁，呢個係吳浩康性格問題，唔係男人嘅「普遍」問題。好多女人又中意扮透轍了解男人咁狗衝出黎話「個個男人都中意偷食」，呸，根本有機會的話，男男女女都有機會偷食，呢個係自控力嘅問題，本質係同你叫小朋友看守住蛋糕唔好偷食係一樣道理。人之所以係人係因為可以抑制自己嘅本能呀。

吳浩康藏毒以來好似都得唔到乜嘢教訓，搞到自己越來越霉。傳媒搵佢做專訪，次次都可以用「重新出發」「改過自新」做題，一次唔悶兩次唔嫌三次都覺嘥氣啦。講真佢啲歌本身幾好聽的，搞到自己咁真係叫人有啲唏噓。以後去唱 K 點佢隻「先入為主」真係別有一番滋味呀哈哈。

今次講到呢到，下次再講下唔同類型嘅女人有幾正。

作者 納蘭砌德

納蘭砌德，貝勒，親美人，愛軟玉，大惑不解現代人何以如此保守。