旅行係咪預咗上床架？
有個旅行社做嘅博見報調查話啲情侣拍拖5個月會去旅行，4成預咗會上床咁話。得4成受訪者話拍拖去旅行會上床？係會認上床嘅受訪者得4成咋啩。
香港水深港闊地少人多，拍拖要啪啪啪真係幾困難。讀緊書嘅時候會帶當時嘅女友番宿，所以我成日同姪仔講，記得努力讀書，入大學一定要申請到宿，咁先至叫人生。不過，帶女友返宿，要幾個同房合作，呢啲嘢大家好有默契。不過女友唔係住宿，佢要返屋企，真係冇辦法。
畢業之後同屋企住，咁就hihi了，要攬下錫下都幾困難，所以去得最多嘅地方就係女友屋企附近個公園，個公園夠大，夠多暗角，響個暗角攬攬錫錫就幾個鐘，年輕人真係容易滿足。不過，公園就有樣嘢唔做得，就係愛。
咁點好呢？細佬結婚早過我，咁間房就係我一條冷住晒，老豆老母咩時間出咗去，咁我地就咩時間啪啪啪，雖然有房門，但始終呢，有人響出面做都無癮。咁做完之後，有時老人家返嚟，咪一齊食飯咁。呢啲嘢，佢地都明嘅。老豆老母有時返鄉下，咁就開心囉，女友就同屋企講話個friend失戀，要去陪佢兩三日，呢兩三日基本上就係雙宿雙棲，同居一樣。
講來講去都未講去旅行。香港地，拍拖男女去旅行，除非係呃屋企話同friend去，否則屋企就係當你係去破處（車，一早破晒啦，邊駛等旅行？）。所以，聽啲耶能朋友講，佢地唔可以一齊去旅行，去咗就全教會同屋企都當佢地去犯罪。而最慘係，佢地冇做過都當佢地有，咁真係冇謂。
有時啲人為咗呃屋企，會同埋啲friend加埋男友去旅行，咁影番嚟俾屋企人睇嘅相就淨係得自己同幾個好姊妹，就好似呢張相咁（正路當然冇咁多人），咁邊個揸機呢？當然就係個男友。其實而家廿一世紀，PS咪得囉，駛乜約埋啲friend去？
旅行係咪一定要上床？邊有話一定要上床咁撚膚淺架？旅行係去散心、係去感受當地風土人情架。咁係咪唔做？講下笑啫，睇波唔賭波，睇來做甚麼？難得酒店張床咁舒服，又唔駛擔心嘈到隔離，梗係做喇。如果你個酒店有靚景，對住個夜景做愛做的事，咁就真係浪漫喇。
女仔同男友去旅行，通常都會好似去迪士尼做足準備咁，有啲會預準period時間，唔啱就打通經針set到啱。帶去嘅內衣都係揀過嘅，為嘅都係俾條仔一個美好回憶。有美好回憶，男仔當然要感恩，不過唔好好似之前條柒頭咁個女友同佢玩女僕，佢就影相多謝條女po上網，結果變咗高登J圖。
拍拖未上過床的話，如果女仔肯同你去旅行，基本上就等於話肯俾你。咁就唔該帶定套，唔好到搞到返嚟要奉子承婚。而且如果個女仔一路都唔肯的話，最好之前有啲共識，聽過有朋友講，以為條女同佢去旅行代表得米，點知去到都黃豆都冇粒食，谷到爆。
有啲人話去旅行可以睇到對方可唔可以過人世，呢個係當然的，下次再講。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
