此為「不套不快」徵文比賽文章

比賽詳情請看：http://eros.vjmedia.com.hk/competition

其他參賽作品請看：http://eros.vjmedia.com.hk/articles/category/story/competition

From Flickr user See-ming Lee 李思明 SML

故事要由細個時講起，當時我跟一班差佬一齊踢波，果個時候警民關係無今時今日咁差。班差佬睇中我地16/17歲好氣好力，我地就睇中班差佬有特權大撚曬、出錢book場買水、出入有順風車坐，大家一拍即合！

入正題喇，有一日班差佬無啦啦話返大陸踢波，話有場比賽，咁我地班細路戇居居聽到唔駛錢有得住酒店又有比賽踢就梗係一致讚好啦。

比賽係東莞踢，係一個香港既廠長帶住班民工對我地港警加學生，班差佬踢唔夠15分鐘已經換曬我地d學生出去踢，當時心諗做乜鳩不過是但啦反正我地玩曬。最後贏左仲逼真到有隻獎杯添！

點解咁講？因為原來班差佬有秘密任務 – 叫雞！

返大陸踢比賽係呃老婆既藉口，我地班學生就成為左臨記，真係「極醜惡」。之後一班人就去左髮廊揀女，咁我地班細既當然唔執輸啦。

上到房沖完涼，正當我準備變大人既最後一刻，挑逗緊我既一個年青性工作者突然拎個安全套出黎，我一手搶左佢好奇咁問：『要戴咖咩？』佢無答我，係我手中搶返個套，就笑笑口咁奪取左我既童貞！

完事之後，一班細路聚埋一班房係度鋤dee加賽後分享，『點解要戴套既？』無知既我問。 『預防性病丫嘛！ 你無聽歌《你老豆生花柳呀》？！』 其中一個學長一語道破，全場笑個不停！

最後阿勇敲門，入到黎個樣好怪不停飲水，學長問佢咩事。『我舐左佢個西呀！會唔會奶野咖？』全場靜曬，之後全場爆笑。

自此之後阿勇多左個花名叫《雞批》。

沒有相關文章