[無30cm長既好朋友] 飛機杯神器回顧 – 布丁處女

Decrease Font Size Increase Font Size 文字大小列印電郵分享

其實想買飛機膠既巴打，應該都聽過好多比人推薦既「神器」，例如R20、003OL，但因為呢D神器其實
都已經比較舊，比較新近呢兩年既神器唔係太多新手會識，所以黎緊我想做下回帶能。

首先好多用過R20既巴打都覺得R20其實有一個問題：舊膠太長 (19cm?)。
基本上唔係巨根又唔用D特別技巧，跟本就插唔到落底，搞到每次打完J都有D失落。
所以今次我要講既係上幾個post都有提過既短版R20 – PUNI VIRGIN

係個盒面度你已經可以見到，呢隻膠係造R20既toysheart同JU-C系列既G-Project既合作作品。

簡單D黎講，呢隻膠集合左當時呢兩間公司最受歡迎既優點在內：

G-Project既真空吸力設計，仲有Toys Heart既safe skin。
提起safe skin，其實係toys heart自主開發既特有膠質黎，亦係R20會比人叫神器既最大功臣。
呢種膠既特點唔止極度柔軟、接近真人皮膚既質感、無油無臭，最大既特點係佢既膠質係會「進化」。

隨住你使用既次數增多，呢種膠係會慢慢因應你JJ既形狀同使用習慣慢慢咁變，令成隻膠既包覆感越黎越強，可以更加咁包實JJ，而且裡面會越黎越軟。

呢隻膠睇落細細隻，但出奇地從側面圖已經睇得出非常厚肉，成隻野成半公斤重，我估呢個重量應該係safe skin既特點黎。佢既用法同G-project以前既Ju-C一樣，只要入之前排出入面既空氣，一插左入去再放手個下就會有超強既吸力。呢個吸力係用完之後洗膠個陣特別明顯，一伸隻手指入去，成隻手膠會即刻吸實左，吸到有D麻。

佢最頂頂個位有個細洞係無任何紋路，個個位其實係吸力最強既地方，當你頂到盡，呢個位就會係咁啜你馬眼，新手好快就會係呢個位比佢秒殺。

首先要拆盒，就見到盒頂又有個個海外正貨貼紙，其實有無人有話到比我知呢個係眼定咩黎？
其實以前本來無呢個貼紙，直到大量爛J 假R20出現……

一開個盒，盒入面既包裝好有G-project既feel，我估除左提供safe skin技術之外，其他都係G Project負責。
(因為個盒既公仔都似G project既包裝)

一倒哂D野出黎，入面就有Ju-C都會有既儲蓄袋同油。
我一直都覺得呢個配搭好有誠意，因為佢呢個袋真係好耐用，而且又防水又通爽。
而且送呢包油唔係一般既垃圾油黎，而係pe pee油，用過咁多種油，我覺得呢隻油無論從易潔性、乾爽性同黏度都係頂級。(另一隻我覺得正既係Gun’s oil)

件膠一囉出黎，的確係比R20短好多，大約同真實之口一樣size。

唔知係咪safe skin係近呢幾個月換左配方，隻膠個表面感覺好似磨沙咁(表面白色個D係保護粉黎)，
我記得上一個post有巴打買新既R20都有呢個情況。整成磨沙咁既作用不明，至少我feel唔到有分別。

同R20排埋一齊比較，唔計凸出黎個pat，其實只係R20既一半，即刻剛剛好

一睇入面既紋路，其實佢D紋同R20好相似，當然因為唔夠R20長所以好多部份都精簡左，但攻擊步驟差唔多係完全一樣。一到入口已經有幾係凶狠既大肉條係一面等緊，格硬頂到中間，衝破一個大肉粒，就進入到真空既宇宙世界。

可能廠商自己都有自知之明，知道佢整到成個屎忽咁好易會有分裂危機，所有整左好細條膠係連住兩邊，但呢條膠其實係無能用，用一次就會斷左。

我好想影到入面既紋比你地睇，但問既係隻膠D肉太厚，完全逼實哂，所以想影都影唔到。
亦都因為佢肉厚同夠緊，所以一做成真空就無咁易漏氣，所以落油個陣最好落多少少，唔係既話好易會比佢吸實左比較難郁。紋路剌激方面比R20弱好少好少咁多，但吸力真係好強好強，而且因為用左safe skin材質，所以可以做到吸力強之餘膠質會唔太硬，再加上唔多唔少既長度，所以叫佢短版r20的確係無叫錯。