散彈二號BB豬

【_學術通論】讓每一個窮撚都養得起佢嘅港女

Decrease Font Size Increase Font Size 文字大小 列印

princesses

 

 

【邏輯】 假設社會有部份人貧窮,咁,「一夫一妻制」就意味著,部份女人只可以嫁窮撚。

再者,喺一個貧富懸殊嘅社會,因為大部份男人都係窮撚,所以大部份女人就只可以嫁窮撚。所以,女人為咗自己嘅幸福,應該發起社會運動,爭取以下其中一項:

(1) 抒緩貧富懸殊現像
(2) 廢除一夫一妻制

由於女性選擇後者嘅機會唔細 1)「法官大人」mode:做富二代小三,定係做窮撚正妻?好多女人會揀前者,然後繼續想獨佔男人。,所以堅持一夫一妻制嘅宗教或倫理團體,應該致力反對社會貧富懸殊。同時間,有錢男人反而應該推波助瀾,同大眾女性站在同一陣線,爭取廢除一夫一妻制。成件事都好邏輯,點解冇發生呢?咁就要諗下,「貧富懸殊」+「一夫一妻制」嘅既得益者係咩人?其實係闊太!

就係有一小撮、別有用心嘅闊太,在背後控縱大局。

 

可惜,「公主病」疫情嚴重,大部份少女都只會幻想以後可以做闊太,而從來冇諗過,有錢人越有錢,自己「只能揀窮撚」嘅機會就越高。因為佢地好傻好天真,所以佢地唔單止唔反對貧富懸殊嘅現像,仲要落井下石,批評社會上唔肯父幹嘅窮撚。呢個係絕不理智嘅行為。一個理智嘅新時代女性,應該擁有好似羅賓漢一樣嘅劫富濟貧心腸,而唔係幾千個拜金港女排隊爭一個富二代。

公主病是如何形成的?肯定唔係男人搞出來的,因為冇男人中意公主病。只有上流闊太,妒忌少女年青美貌,又知道自己年老色衰,所以不斷製造王子公主嘅童話故事,企圖誘使少女們自己 “price themselves out of the market”,減少競爭。其實,闊太都知道自己身邊嘅男人,一啲都唔體貼、一啲情趣都無,總之同「王子」大纜都扯唔埋。但係佢地只會公開晒幸福,而永遠唔會同你講事實嘅全部。

香港嘅主公同窮撚數目直線上升,嚴重影響《基本法》三十七條嘅有效運作 2)第三十七條:香港居民的婚姻自由和自願生育的權利受法律保護。。作為 ‪#‎Article37‬ 關注組唯一成員,我強烈譴責闊太霸權呢啲滔天惡行。不過,我一個人譴責,有咩作用吖。所以,我哋必須聯合社會各界嘅港女同窮撚,眾志成城,一齊打倒闊太霸權,消滅貧富懸殊,讓每一個窮撚,都養得起佢嘅港女。如果解決唔到貧富懸殊問題,咁唯一出路,就係廢除一夫一妻制。 3)我真係覺得明光社要出下聲囉。

 

其實我唔係講笑的。

 

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================

   [ + ]

1. 「法官大人」mode:做富二代小三,定係做窮撚正妻?好多女人會揀前者,然後繼續想獨佔男人。
2. 第三十七條:香港居民的婚姻自由和自願生育的權利受法律保護。
3. 我真係覺得明光社要出下聲囉。