龍虎豹好睇，但係就好撚貴
（Youtube擷圖：https://youtu.be/nETTu-Wxo40）
之前一篇348得到咁多人支持，多謝各位。
有人話佢冇遇過，又話入面好多人妖同雞，當然，所謂人生，就係每個人遇到既事都不一樣。
所以有啲人既人生叫多姿多彩，叫傳奇，因為佢遇到既人和事，你可能好好彩，同見鬼一樣，一世都見唔到。
唔知係咪大家鐘意睇我出賣自己既MK風月夜，今次我喺翻炒下我文字情色界既故事。
話說1998年，當年我剛畢業，前路茫茫，幸好學會一門手藝 — 寫網頁同平面設計。之後有好友介紹到一間荃灣嘅ISP(互聯網服務供應商)工作，五千零蚊一個月，點知入到去先知，原來係寫”甜網”，我既工作包括剪片，scan甜相，寫html…等等。由於當年仲用緊Dail up 56K上網，所以網頁容量要求十分講究。
當年有一句行內行外都一定要知既事”Load 多過分半鐘，你個網就唔合格。”
第一日番工，老闆就掉左成50隻四仔冇格仔俾我，叫我將啲精華剪出黎放上網。頭嗰10隻我一路扯一路剪，有兩下仲頂唔順走去廁所解放細佬添。大佬，我都叫係個血氣方剛嘅機民，仲要連睇兩隻女神夕樹舞子，細佬個反應仲勁過核子反應堆。不過，乜嘢睇得多都悶啦，仲要loop幾次怕有滄海遺珠剪漏咗，搞到我成個老孫咁”知不知每晚睇你十次八次，最怕冇嘢剪包我食撚屎”。呢行嘅朋友真係下面完全麻木了。正如你睇AV羨慕男優一樣，當呢樣野成為工作，就一啲都唔過隱。
第二單，老細俾左三喼咸書我，叫我scan晒放上網。你老味丫，尋寶咩。十年八年前既龍虎豹，藏春閣，男子漢，Playboy，Penthouse，Beppin…等等，乜撚都有。我第一個反應唔係興奮，而係:攪撚錯，scan到下世，下世做本Playboy都唔做人。
當年起機個個都係揸往本書先有feel，而家叫單手打字，當年應該叫單手睇書。今時今日鹹書應該申請做物質文化遺產。
當年既我諗頭特別多，公司入面得3個人，一個System Engine，一個女文員，仲要好撚索。我忽發奇想，就叫條女幫手錄音，扮當年東方日報入面既一樓一叫雞廣告電話錄音:
“你好，我叫笑淫淫，我又識吹蕭，又識吮荔枝，我仲好多汁添，快啲上黎xxx大廈xx樓搵我啦。”
錄完之後，我就用左當時最新既技術flash 2.0，有聲有畫，老細見到緊係拍枱叫好，之後我就上位了，人工加到一萬蚊一個月。
之後我老細神通廣大，識到文化傳信話事人之一，佢好欣賞我哋既作品，我哋成間公司就被收購，搬去觀塘文化傳信寫字樓。
係入面，被派去漫畫部做左幾個月，排版幾個月，執相又做幾個月，最後留係IT部，2年時間就俾歲月神偷偷咗。原來我地部門隔離就係天天日報編輯部。老闆同我介紹當年既老總，唔開名啦。佢50多歲，一頭長髮馬尾，西裝骨骨，四哥咁款。
又介紹左”華大夫”俾我認識。原來係一個中年婦人，佢話好多都係自問先答。實情冇乜人寫信黎。就好似YES!既Miss Sex信箱，南宮夫人…等等，大部份都係自問自答，有不少比較過份的個案，但又令人想入非非。有好多不正確既性知識，就係咁學番黎。
介紹完就入房，每人點支煙，開始入正題。
我老闆就成日都想做淫業大亨，老總就話佢有大把料，龍虎豹而家佢跟手。佢話而家本書唔得架啦，競爭大左冇人買咸書，又VCD，又上網，問我有咩攪作。
我都係嗰句啦，放上網，俾錢下載。不過當時已經開始有法例，所以我地要租用某群島嘅伺服器，逃過香港法例。2個月後網站完成了，老闆又囉到彩，老總又高興。老總就話，今晚我地三人行，帶相機，我地過大海囉新料。
一到步，老總就帶我哋去澳門大富豪。一入到去十幾條女兩行排開，好似拍戲咁。”歡迎光臨”，我嗰一刻覺得自己好似一個老細，成個世界啲女都為我而傾心。只係嗰一刻囉。
老總隨手就揸起一件，成個Mark哥咁。
當然呢個優惠係老總咁既資歷先有機會，入到去有個俗稱金魚缸既房，一塊玻璃之隔，對面企左20位佳麗，每人身上都有一個號碼牌，睇中就叫號碼。
老總話:唔撚揀啦，逐個入黎俾我睇全相。
老總就同我講:後生仔，呢啲機會唔係成日有，今次仲俾你影相添，同我影好啲放上網。
當年仲係用菲林機，我緊係有啲驚啦，入面黑媽媽，真係歷蘇數毛毛，有毛你都睇唔撚到。好彩我帶定支燈，set好晒就開始影。
啲女一入到黎，好唔俾面，123就除撚晒啲衫，波來波往，我緊係要”留住最美一刻”啦。
每條女都影左我一筒菲林，澳門啲女，真係好過香港好撚多，個個都見得下人之餘仲少陣銅臭味，唔知係咪俾面老總先有咁多好嘢，精英盡出，嚟等老闆精液盡出。
幾經辛苦影完之後，老總就話:睇岩邊條女，講個號碼，過隔離就地正法啦。我同老闆已經篩選咗兩個，剩番18個等你揀。
我即刻同老總講，我想走先，因為頭先影完20條女，真係好撚辛苦，辛苦過一夜七次郎。我望住另一面，老闆喺度摸蜆，逗住我今晚最有feel，有啲似周慧敏嘅囡囡，就算我點個第二最愛嚟尋開心，今晚都唔會開心。閉起雙眼你最掛念誰，眼睛張開身邊竟是誰，呢種痛真係好上心。有時我覺得填詞人嘅過去……一定有成千上萬風花雪月嘅事。
之後番到香港，我都唔知啲相去邊撚到曬相好，全部毛蟹，波與lin。最後諗住去快x美曬相。心諗，仆街啦。唔知各位老野有冇記憶，當年係有部機將曬完既相，一張張咁碌出黎係大家眼前曬。所以我細個好鐘意係曬相鋪門口睇人地啲相。當年係無乜撚野私隱條例。香港仍然好自由。
最後緊係無曬到啦，囉番公司俾老總攪掂，原來佢地自己有黑房。
之後IT忽然蓬勃，人工昇價2，3倍，我就借機跳左糟，放低晒所有野。去幫人攪Dot Com。再過幾年後，突然見到咸書業突然翻生，全靠一本”夜遊人”叫雞指南。之後就應該係”豪情”電影入面既故事啦。色情事業一定係最搵錢，所以掂得呢行，唔多唔少都接觸到黑社會，如果呢篇野又收得，可能我會講下當年做IT界色情事業既黑暗歷史。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
