「男人真係無眼光好膚淺好壓迫」，喂而家邊個壓迫邊個呀？

得罪講句，女人唔明男人點睇女人，唔好立亂去「想當然耳」去「估」男人點諗，例如果啲「你哋男人都係中意大波嫁啦」然後機械化地去話班男人膚淺、壓迫女性云云。

女人睇女人嘅其中一條天條係叫「靚」，而「靚」只係一個人吸引力嘅眾作元素之一。正如女人睇男人，都可以睇出好多門道，唔會話一定要「靚」，唔靚可以大隻，唔大隻可以走斯文文青路線，唔文青可以玩型格，唔型格可以玩 band 仔路線，甚至就連麻甩格熊格爸爸格光頭格都可以有市場，呢個係男女形象好玩嘅地方。

上戶彩得「最性感人妻」第一名，（日本上班族選至愛 上戶彩當選最性感人妻：http://hk.apple.nextmedia.com/enews/realtime/20150810/54069205）好多女人話唔明。唔明係唔緊要，大家睇法唔同，又唔係講緊女人眼中點睇，無所謂。我最怕係諸如王迪詩之流，明明唔明男人點睇，又夾硬塞說話入男人口話男人淨係中意大波中意後生中意日本妹，然後就慨嘆話男人真係無眼光好膚淺好壓迫。喂而家邊個壓迫邊個呀？

講返上戶彩，大家搞清楚以下 keyword ，睇返我 lecture 畀大家嘅 reading 先黎上堂 OK？

腰果眼，厚唇，臉細細，清爽髮型，笑容有親和力，可親近感，有真實感，有女友感覺。

作者 林非BB豬

離經，不欲縛於經書舊說，欲自成一家自成一經。八十後，以追求人生自由之道為己任。