女人睇男人，一係當佢係屯門色魔，一係話自己好淫

講真我都唔知點向女人講解男人嘅淫念。我發覺幾乎無女人會明白男人對性嘅態度係乜嘢，屬於極少數嘅果個，已經被我娶咗。

啲女人通常睇男人，一係就直接當佢係屯門色魔再世，一係就話自己其實好淫。首先，淫同變態，淫同犯法，性幻想同性行為，係唔同嘅事來的 OK？我知香港係一個好性壓抑嘅地方，但大家亦唔好將講性直接當成侵犯。我夠話想世界和平啦，唔通我聽日就入聯合國寫決議迫全世界簽呀？痴孖根！

一係就女人話自己都好淫好中意健康地談性。我心諗你哋真係未見過咩叫「講淫嘢」。果種不屑係真係連認真討論嘅意欲都無。連結返第一點，喂係咁意講少少你哋啲女人已經大驚少怪V嘩鬼叫，講乜鬼唧！即係又要人講鬼故，好嘞講嘞，又鬧你做乜嚇女仔咁，想點？

所以，由得男人自己圍內講，圍內討論好無？你哋以為好靚仔，好好仔果啲男仔先最假呀，唔畀你哋知佢哋心中諗乜你就以為人家係純情好仔，天真！

作者 林非BB豬

離經，不欲縛於經書舊說，欲自成一家自成一經。八十後，以追求人生自由之道為己任。