笛子摸曈

肥婆隻雞脫晒毛

Decrease Font Size Increase Font Size 文字大小 列印

6878274655_704a45992d_b

 

睇完嗰個脫毛廣告,真係有啲心郁去試下。小弟由於有四份之一葡國血統,所以各部份既毛都比普通華人多,導致有唔少Special Partner不滿,甚至拒絕過於親密嘅行為。由於最近港女都愛都敏俊,所以我幾經辛苦儲落七八皮野,諗住去試下。

一入到去,咦,全部都係女服務員,我仲以為天上人間呢件好嘢重現人間添,因為個個都好似喉糖咁「嗒得落」。不過入得呢啲鋪頭,我都預左俾人掠,有水魚送上門,梗係條條女都當你老公豬咁啦。

Sell我嗰個叫Kiko,佢就開始用佢嘅[瞬間看肉球hard sell我各種計劃同價錢等等,一分錢一分貨咁話。我都預咗俾幾皮只係入門級別,所以我好快就簽左個5萬蚊既脫毛服務,主力係脫鬍鬚,心口毛,做個白滑寶寶。

男士們除咗工作上需要,應該好少人玩過激光脫毛,我同普羅男士一樣,以為女人個個都去做,點都唔會痛得去邊。男人啵,有咩受唔起呀,更何況係用激光,以為燒幾下既啫。點知,仆街鳥…

個女服務員先同我脫鬚,佢話唔可以一次過做晒。我心諗,成條龍紋身我都未怕,怕你咩。跟住個療程就正式開始,佢用個類似放大鏡嘅物體,放大我啲毛孔,跟住就用激光逐粒打入去。我好欣賞呢個厭惡性職業嘅人,就算幾唔like個client都好,都要好撚細心。一打入去,我當堂想大叫出嚟。嘩!好撚痛呀!個感覺直頭係將成條毛,由入面掹出嚟,眼淚水都標。跟住第二下,第三下,到第十零下,我忍唔住同佢講,可唔可以停一停,好撚痛。

條女當堂笑鳩我話:男人老狗,你忍到十零下先叫痛,算好叻叻豬架啦。有好多男人第一下就放棄。休息左十分鐘度,Kiko話繼續啦,可以分開兩日,每日做一邊。我心諗,仆街啦,仲要痛多日。

記得對上一次叫痛係二十年前,第一次釘耳環。好多女人都話唔痛,冇咩野。咁我又受騙了,走去家樂釘耳環。一釘入去,又係痛到仆街,不過好彩痛一次。今次大撚獲啲,唔知要痛幾撚耐。

攪左幾粒鐘終於脫完鬍鬚,我走既時候同佢講,心口毛唔脫住啦,加錢都要選過另一日脫,我真係頂唔撚順。等以為痛完就冇事添,我話過你知,最痛先係脫完毛既時候。

番到屋企,我個鬍鬚位足足痛左成個星期,仲要紅晒,搽蘆薈都補唔番。之後我開始敬佩每一個脫毛既女人,由其係,連雞毛都脫到乾乾淨淨既女人。我只係脫鬍鬚都痛成咁,你諗下如果係女人脫雞毛,我真係想像唔到有幾撚痛。如果有男士脫過鳩毛,不妨寫信俾我分享一下經驗。

女人,為咗靚,係可以比男人忍痛能力高幾百倍嘅真漢子。今次我認輸了。

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================