《金瓶梅》係咪文學？

《金瓶梅》係咪文學？唔睇尤自可，一睇其實真係不得了。

一般甜故好難被人稱之為文學，其實個講法唔準確，話甜故「文學價值低」會比較準確。何謂文學價值低？就係一啲除咗挑起你性欲之外無乜令人感動、思考、咀嚼（但不限以上三者）嘅嘢就謂之價值低，所以無人會不停咁讀一本風扇說明書讀得津津有味覺得係文學，而你起個壇好津津有味咁讀說明書，反而可能係行為藝術，在此不贅。

講返金瓶梅，一方面佢反映明代市民生活景況，另一方面亦某程度上有警世意味，刻劃人物嘅性格心理，所以其實係一部相當唔錯嘅文學作品。再者，金瓶梅嘅寫作技巧亦真係幾高，用文言文去描寫性愛，花樣繁多，將古人寫得好活潑，其實真係唔錯。

早年其實亦有唔少人認為武俠小說科幻小說寫得再好都唔算文學，又或者唔算「嚴肅文學」。但好明顯，金庸䘙斯理嘅作品，係超越官能刺激，晉身「文學殿堂」一啲都唔失禮，今日譚劍喬靖夫嘅作品可謂係繼承咗呢一脈。

我諗文學嘅定義大約就係咁了。「睇完之後有啲嘢」就可以了，可以係感悟，思考，有餘韻就好了。等如好似攝影咁，一樣露咁多，但令人回味，驚嘆技巧，一睇再睇，有思考嘅，叫唯美攝影，純粹以最低俗嘅方式「只係」想要挑起你性欲嘅，叫J圖。

作者 林非BB豬

離經，不欲縛於經書舊說，欲自成一家自成一經。八十後，以追求人生自由之道為己任。