散彈二號BB豬

只有一方有「性優勢」,又點可能有男女平權?

Decrease Font Size Increase Font Size 文字大小 列印

(photo via cc flickr user Lies Thru a Lens)

 

 

本毒撚做咗廿鳩幾年人之後先知道,原來女人圈子入面「發姣」係大罪。根據我唔科學唔客觀嘅經驗,女人嘅壓迫好大程度來自女人本身。個問題係,根據唔知乜春乜春博弈論,女性生物需要集體吊高黎賣先可以有個唔知乜春乜春平衡,個情況就正如一個行業唔可以做爛市咁。違反博弈論嘅系統始終係唔穩定嘅,呢樣嘢真係唔係可以三言兩語用父權壓迫就講得清楚。

至於點解有部份女性咁關心呢啲「性解放」議題,我本身都好困惑。點解戴面紗冇得展露甜美嘅笑容,就係父權壓迫?乜你地唔係好憎啲咸濕佬「視姦」你架咩? 後來我先明白,原來女人(尤其年輕靚女)識得運用天生本錢,可以好殺食架。有個印象好深刻嘅經歷:N 年前,我陪女性友人去銀行,銀行剛剛閂門,個保安準備喺門口拒客。我朋友(當年)係年輕靚女一名,佢見個保安員作勢鎖門,就向保安員展露一個甜美燦爛嘅笑容,笑咗一笑。保安員稍微猶疑,然後就放我朋友入閘。然後!個保安員!特登!向我示意!!唔准入去!!!嗚呀!!!!大佬,個銀行一係閂門,一係未閂門,點解我同佢一齊黎,我唔入得去?(因為你係個毒撚囉……)

你諗下,如果喺一個塔利班父權社會,女人個個帶晒面罩,淨係見到兩隻眼,一個年輕靚女又點可能笑兩笑就成功令保安員放佢過關?所謂「對女性身體的管束」其實咪就係呢味嘢囉。唔俾女性露臉,唔俾女性露胸,唔俾女性show身材,即係唔俾女性用「性」去影響男人(尤其狗公)。冇得展露甜美嘅笑容,點解係父權壓迫?點解本毒撚之前唔明?因為從來未試過笑兩笑就有人幫我開門囉。

 

至於「物化女性」係咩一回事?分兩種嘅。第一種,可以用「物化男性」做比喻去解釋。假設,呢個世界係女人當道,而女人最鍾意就係又長又大碌嘅男人。作為一個正常長度嘅男人,我見到啲 30cm 嘅臭男人單靠條嘢就輕易取悅異性,可以分享女性當權者嘅權力,自然會非常葡萄非常酸啦,同埋覺得好唔公平。喺21世紀嘅文明社會,點解仲可以有男人可以靠條 J 就輕易得到權力?唔公平喎!男人除咗條 J 之外,仲有其他優點架!「用J 嘅長度去量度男人嘅存在價值」仲唔係「物化男性」?!

此其一。

第二就係,好喇,其實我真係有 30cm。但係呢,我又覺得我除咗 30cm 之外,仲有好多其他優點架喎。(例如我識哲學啦…)之但係,啲女人全部都只係想同我扑野,都唔識欣賞我啲優點嘅!仲有呀,雖然話食軟飯好逍遙,但啲女人除咗我嘅30cm之外,對我其他嘢全部都冇興趣,搞到我都以為自己只係一碌硬鳩。咁仲唔係物化?將一個男人當咗做一碌鳩喎。

點解「物化男性」實踐起黎咁多矛盾?一時又話要釋放巨鳩,一時又話唔准女人鍾意你碌鳩?咪就係所謂「自主」囉。我show出黎嗰陣,要你濕就濕,唔准濕就唔濕。請叫我主人。Sit, good dog.

 

其實有咁嘅心態都冇咩問題。如果只係少數人咁諗,成件事真係work的。但係,如果目標係*真正*嘅男女平權,一定唔可以用「性」作為手段。點解?因為如果女性打算用「性優勢」去「奪回」男性嘅權力,咁當佢地失去「性優勢」嘅時候自然會失去權力。而男女之間,如果其中一方有「性優勢」,又點可以算係「男女平權」呢?

所以如果想達致真正嘅男女平權,女性就唔可以一直喺「性」嘅方面做手腳,而係要用實力(IQ EQ AQ 乜 Q 都好)同男性競爭。而事實上女性呢方面已經得到好多漂亮嘅成績。至於係咪可以 100% 平權,就真係好難嘅,但不斷嘗試改進冇壞,只不過要小心過猶不及囉。

 

咁當然啦,女人鍾意露乳咪露囉,free nipple 咪 free 囉。我唔反對嘅。反正我連條腸都畫埋出黎啦。

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================