散彈二號BB豬

擇偶條件?講呢啲?

Decrease Font Size Increase Font Size 文字大小 列印

c7ca2103

 

我講《應用哲學》講到口臭,無非都係想大家做人「貼地」啲,唔好講咁多空泛理論,要留意現實情況,避免「理論凌駕現實」。「擇偶條件」呢樣嘢,講下冇所謂,但如果認真實踐,就好有問題。點解?好簡單,假設你未拍過拖,咁咪會成日幻想拍拖*應該*係點點點,對象*應該*係點點點。呢種幻想,慢慢就會變成「擇偶條件」。究竟符合晒所有條件嘅理想對象係咪真係合適?或者有一日真係遇到呢個人,係咪真係有火花?從來都係未知之數。

可能有人會話:「喂唔係喎,我而家已經係 A380,試過同好多人拍拖,我點會唔知我想要乜?」我就會話:「可能真係唔知架。」點解?因為你而家仲係 “A” 囉。雖然你之前好鍾意某某嗰 type,但最後都散咗丫。你點知第日會唔會出現一個更適合你嘅 type 呢?基金經理呃人嗰陣,都要講句「過去業績不代表將來表現」啦。你憑咩咁老定,覺得自己一定係鍾意嗰種,唔會有一樣嘢更適合你呢?

好多時,每個人內心嘅擇偶條件,係遠遠複雜過意識知道嘅條件。有時你見到一個人個 “CV” 好靚,覺得係合適對象,點知識落就發現好多嘢唔對路,或者,純粹係「冇感覺」、「冇火花」。呢啲就係你內心嘅真實評價,可謂「真.擇偶條件」。

當然啦,有時做人,就係講一套做一套。有啲人就話要嫁白馬王子,然後就俾個 MK 仔中出即飛之後仲念念不忘;又有啲人聲稱想過平凡生活,點知忽然間嫁咗入豪門;有啲人大大聲批評其他女性樣貌身才,點知就揀咗件豬扒。Well,冇咩所謂嘅。開心就得~~

高調討論擇偶條件,有時係另有目的架。例如佢可能想自抬身價,令到人覺得自己好高貴(「想」嗟…)。反正都嫁唔出架啦,唔通話自己有肥毒矮追都收貨咩…..。所以話,呢啲嘢講下嗟,冇咩所謂,但千祈唔好真心相信世界上有「擇偶條件」囉。

如果為咗一個虛妄嘅幻想而執著所謂「條件」,拒絕適合嘅人,咁就一世架喇。(人生….)

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================