性教育
見到中學生嘅性知識一知半解，見到啲學生上堂係張紙上面畫性器官，然後係度笑，真係覺得不知所謂。
香港嘅性教育已經畀好多人話過，小學只係學要點保護自己、點用M巾、青春期生理變化，中學就只係喺science堂提過下，但係大部分學生嘅性知識係喺網上到學返嚟，但係又有幾多係正常嘅？
好多時AV畀咗個形象畀男同女，男拍拖只係為咗扑野，女嘅就唔識反抗、性玩具。學生可能會帶咗呢啲嘢返現實，從而有個唔好嘅觀念。 學校只係一味叫你唔好唔好，但愈叫你唔好你就愈想做，到時真係做咗但因為學校冇教安全措施而有咗咁點？
我相信好多中學生唔知安全套點用，唔知安全套點分正面背面，唔可以戴反，要整頂上面粒凸起點、唔可以戴多過一個、只可用一次。仲有要揀啱size，我相信有唔少男士係唔識點度size。成日聽到朋友話岡本0.02/0.03唔好用，成日向左走向右走，但其實好大機會係你度錯size。同埋好多人貪方便唔戴套或驚柒而唔敢買套，事後要女方食事後丸，其實真係好唔負責任，男女方都係好唔負責任。
我知香港嘅性教育已經畀人講到厭哂，但點解仲要講？就係因為大家一知半解，前幾日就有個中四學生問我口交會唔會有BB同問咩叫黑鮑。 我真係無奈了。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
