林越虛

【徵文比賽】希志引退,衰落的IdeaPocket,我逝去的青春

Decrease Font Size Increase Font Size 文字大小 列印

8MKLMLJN43UD0031

 

此文章為「打過的飛機,J過的女優」徵文比賽參賽作品

參賽文章:http://eros.vjmedia.com.hk/articles/tag/打過的飛機J過的女優

比賽詳情:http://eros.vjmedia.com.hk/avcompetition

 
(講明先,我唔似一劍浣春秋或者風月亭果D神級作者,只係一個睇左好多年AV既毒撚,呢篇唔係咩技術分析果D,因為我真係寫唔出⋯⋯)

2015年5月4日,係IdeaPocket史上最黑暗既一日。

2015 DMM Adult Award頒獎禮上,拎到「特別獎」既IP社「四希」之首希志あいの突然宣布,將會係今年12月引退,而且「不只是不當AV女優,其他演藝界的活動也一併要結束」,之後更加公開向影迷徵求引退作題材。(由於「希志愛野」呢個名聽左咁多年都覺得好撚怪,所以我叫佢希志算)

[老屎忽mode]呢日,終於都到,要黎既始終都係會黎⋯⋯聽完果下成個人真係好感慨,陪左我唔知幾耐,兼謀殺左我唔少兄弟既希志,終於都引退。[/老屎忽mode]

是咁的,我同希志既「緣份」,其實係要多謝亞視。係,真係亞視,就執果間。各位讀者如果未打丁打到成日唔記得野,可能會記得當年ATV有個節目叫《AV事務所》,其中一個主持係已經消失左,係大台做過味之天使既Angel何卓瑩。(男果個唔講啦,我諗男讀者冇興趣,女讀者應該都唔會睇得上眼,因為都消失左)正正就係呢套未播之前吹到好大,但最後揸流攤既節目,令我認識到我J左咁多年既希志!!!!(丫,岩岩搵返條片,原來係個男既訪問佢⋯⋯好葡萄)

實不相暪,當年我仲係小學生,但又唔知點解,我班同學同我一樣咁鹹濕,所以大家睇完返到學校都會傾下睇AV。果陣時仲未識咩BT⋯⋯(小學雞邊識搵seed)大家都係靠盛極一時既foxy去搵av,而且仲要係俾人cut開一段段,又可能係掛羊頭賣狗肉(好彩冇中過D恐怖野),網速仲要慢到仆街(果陣有100kb/s已經好感恩,畀著係而家已經屌緊個isp)。當年希志仲係新人,所以foxy都冇乜佢既片,日J夜J既都係一代天后松島楓,但希志呢個名已經深深印係我腦海,念念不忘。

冇幾耐我就升左中學,間中都會search下希志既片。時間慢慢過去,我終於學識用BT,而希志都做下突破既一步,由MAX-A/Alice Japan移籍左去IdeaPocket/S1。(後尾淨係係IdeaPocket發片)

呢個決定簡直係將希志同IdeaPocket都推出高峰。銷售數據唔講啦,問呢D睇一劍浣春秋熟好過。(我認其實係唔熟⋯⋯)香港人有幾多個真係會買AV?(唔係老翻果D)每個月上D論壇睇下有邊個繼續有得出,有邊個無聲無息咁消失左,肯肯定實際過D咩數字,唔通呢排阿邊個邊個上左第一就代表紅過吉澤明步咩?

至於IP社,雖然女優如輪轉,但有幾個都留低長期作戰,其中一個就係希志。佢同希崎ジェシカ、希美まゆ組成左大名鼎鼎既「三希」(後尾加埋希島あいり,變左「四希」)配合另一個鎮山之寶RIO,IP社業務扶搖直上,慢慢仲吸納左唔少大物女優,隨便數下都有美雪ありす、羽田あい、並木優⋯⋯甚至係香西咲!!唔係講笑,一劍浣春秋曾經形容IP社既陣容「華麗到有點犯規」,更誇張既係,佢地既女優數目多到要分兩日發片。(唔同其他分兩日發片既片商,開頭IP社真係好多人,每個月撞到link去睇新片封面都可以睇好耐,而家少左好多。而我仲記得,開頭岩岩知道希志分左去19日發片果陣屌左聲,因為果個月要等多過2個星期先有新片)

(between,其實果陣IP社仲有前田かおり,又係成日J兼J左好耐,但佢個人好摺,冇twitter果D野,而且上年年尾下馬之後都冇咩佢既消息⋯⋯)

但學王家衛話齋,呢個世界乜都有期限,IP社開始慢慢衰落,都係因為人才流失,唔係移籍就係引退,補返黎既新人又冇料到,聽講而家既IP社銷售額,點救都冇咩起色。老老實實,以往我每個月都好期待1號同19號佢地發片(實際日子可能早一兩日)但而家已經比較期待S1同Attackers多D,路線係唔多一樣,可能係我口味變左啦。但老老實實,開始覺得IP社D企劃好撚悶,冇乜新意,睇佢既片都係因為對佢既女優有感情。

講左一大輪IP社,都要講返下希志。可能你會覺得佢平胸冇波身材唔好,呢個的確係缺點,但好似佢個樣有少少童顏,但戲路又可以咁廣既女優真係唔係好多,特別係佢對眼,真係電死人!睇佢既片,好感受到佢係真係投入做緊戲,唔係求其鳩嗌幾下咁。(有D女做得真係好假,拍強姦戲但D反抗好似打假波既龍門咁)最重點係,睇左咁多年,好似沉左船咁⋯⋯我諗如果我係日本出世,可能真係會追住去佢D見面會。但生係香港,除左貢獻精液,我最多只能夠去日本旅行果陣,買一隻佢既正版AV⋯⋯(唔講唔知,日本仔竟然有二手AV賣⋯⋯)

(J左冇7年都5年,計量都應該唔少⋯⋯)

年底希志同美雪ありす引退,RIO又實際上唔再發片,對IP社真係沉重打擊。與此同時,我都開始J多左S1既葵、小島南、天使もえ⋯⋯但老土講句,同希志比都係差咁D⋯⋯話晒希志由小學睇到大學,希志就好似一個初戀情人咁,但希志比初戀優勝既係,佢形象百變,無論你果排鍾意學生妹定MISS、OL定護士、o靚妹定人妻,佢都做到畀你睇!(當然,又唔係淨係佢一個可以既)

正所謂「大學不一定是學術自由的場所,還是戀愛轉型的金鐘中途站。」入到大學,開始要諗下未來,唔可以再成日顧住睇AV。我既青春歲月,或者就隨希志引退,劃上句號。

 

FullSizeRender 2

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================