笛子摸曈

【徵文比賽】等 ‧ 一個人 ‧ 打J

Decrease Font Size Increase Font Size 文字大小 列印

in-cover

此文章為「打過的飛機,J過的女優」徵文比賽參賽作品

參賽文章:http://eros.vjmedia.com.hk/articles/tag/打過的飛機J過的女優

比賽詳情:http://eros.vjmedia.com.hk/avcompetition

我第一隻睇嘅鹹片竟然係佢—淺倉舞。當年她都算係Beppin既封面女郎。我除左睇Beppin認識淺倉之外,當年仲有睇開一本,情雙週。Beppin當年堅係貴價咸書架啦,因為佢係原裝日本版,報紙檔當年賣成舊幾水;而情雙週就走本土路線,賣10蚊,又夠厚,真係窮人打飛機嘅恩物。當年來佬貨Penthouse都係賣25蚊到85蚊咋,唔挑剔嘅話都大把黑鮑洗眼,我諗霍金嘅黑洞論應該係由呢本黑洞書啟發,而日本嘅Beppin最多係啟發到多啦綺夢姐。但係那些年嘅我地呢類有少少要求嘅學生哥就當然睇0架妹啦,白白淨,似有還無嘅童稚表情真係好有親切感,就算唔似當年夏帆14歲都要加佢二百分。就算個架妹只係露毛,我地都可以攞住張硬照,衝上雲霄,睇咩無記衝上雲霄丫,之但係我相信而家年青人會冇咁好想像力,單單係網絡上面都唔少seed,香港都有個thisav啦。

我既八十年代就係從呢啲「顏如玉」去認識AV女優。當年既日本鹹書,大部份都只係露毛寫真買意境,等你自己在乎兩腿之間,當然冇Playboy和龍虎豹D鮑魚盛宴啦。相比而家年青人自拍嚟講,我地當年其實都仲係好Pure好Ture,可能到16、7歲都未見過真鮑,唔好講溏心胸部同鮑魚。我嘅女神淺倉清純既外表的確係好吸引一班12、3歲既鹹濕仔,佢楚楚可憐既表情,你真係會好似陳柏宇首「I miss you」咁「於手內融化你」。淺倉身材天然又平均,叫聲又銷魂,真係女神黎架。邊個話女神一定要有人間胸器?

直到94年以前冇得普及上網,咁年青人會問,究竟我地點得到啲AV片呢。當然就係用好貴價錢去買一隻老翻VCD啦,或者隨Beppin送既一隻碟,我地當寶架啦。當年VCD又矇又跳格,但係有聲有畫,已經係令各大射手,晚晚通槍管嘅好東西。其實我地應該多謝一班IT人,冇左佢地,係唔會有4K/3D既鹹片,唔會有seed俾人BT同有link隨時睇。作為屯門人都知置樂之前有大量老翻賣啦,當年我用140蚊買咗淺倉同麻生早苗三仔!四仔就要上樓買啦,以前信和4樓有4仔真係做到街知巷聞。成百蚊買隻步兵?冇九兩菜,真係好貴架。

而家年青人就幸福好多,一除褲就可以開波咁滯。同期港台出左好多脫星,李麗真,舒淇,楊詩敏寫真,我第一個小過,就係帶鹹書番學校share,邊有喺Facebook Like and Share咁輕鬆丫。以前既鹹書鹹片,真係有劇味,有人情味。幾條麻甩仔,圍埋唔係打波打機就係打飛機。

一隻碟睇到花,一本書打到濃精掀唔開為止。90年代頭認識既AV真係唔算多,第一次睇飯島愛寫真,竟然係喺超級任天堂老翻碟裡面其中一隻磁碟入面。唔知當年邊位高手已經識將圖片轉成遊戲format,令全香港既鹹濕仔有福。就係咁當年我就立志要做IT人。雖然我唔太喜歡黑黑實實,但由於資源有限,照打無誤。而家有左青龍右白虎,我地當年都有左joypad,右賓周。千禧年去到最後期緊係夕樹舞子啦,全香港冇人唔識佢,佢係第一個嚟香港既日本AV女優。當年為左宣傳佢本寫真嘅中文版〈其實無咩字,中咩文版呢〉,仲著住件聖保祿學校校服添,各大鹹濕仔,即時有無限幻想,寫真緊係賣到斷市。

 

今時今日呢個數碼網絡年代,AV女優多如天上繁星,不能逐一去數,唯一冇變嘅就係打飛機亦然係open secret,所以AV行業依然不死。

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================