許彤

臭閪和短撚—如果話物化女性可恥,你班所謂左翼弱化女性仲可恥

Decrease Font Size Increase Font Size 文字大小 列印

12082080_10207772922380508_972483590_o (1)

 

作為一個左翼青年,老老實實,我睇唔起袁嘉蔚同石佩妍之流嘅社運女性。

話說尋晚碌FB,咁啱見到(走數系)網民Fat Tsoi學當年陳云咁串石佩妍「果然升級了」咁揶揄近期畀明報訪問完嘅袁嘉蔚( http://goo.gl/irpBqM ) 升級咗。袁嘉蔚回應話呢句「意淫」嘅說話「侮辱他人」,覺得佢「好offensive」,請佢「尊重女性」。

 

 袁嘉蔚對Fat Tsoi句「升級」嘅回應

袁嘉蔚對Fat Tsoi句「升級」嘅回應

 

我尊重你嘅感受,你Feeling offended 係你自己嘅感覺。但理性地睇,你作為薄有名氣嘅社運青年,面對滿懷惡意嘅對方,吓吓都要feeling offended 然後一本正經地譴責嘅,對女性做嘅長遠傷害並不亞於人哋句意淫說話本身。 到底一句「升級」、一句「臭閪」係咪真係咁Offend到女人?

讀過Soci嘅都知,「女性容易被言語騷擾」呢個Statement係Socially Constructed的。囡呀囡,我哋唔好彩,仲生咗喺一個Gender觀好落後嘅社會,上一代建設畀我哋嘅社會Set咗套遊戲規則,假定咗「男人隨時有能力用三言兩語而女性只有被攻擊與受傷的份兒」。因此,因男人同女人講有味笑話、挑逗,或只係僅僅提及女性嘅性器官,女人就會係人蝕底、某至受傷嗰方。相反,女人提及男人嘅性器官嚟言語攻擊男人呢?就無事喎。因為女人(in general)根本唔信自己有Verbally assault一個男人嘅能力,亦不曾打算試用言語攻擊男人。

港人常用鬧人嘅Vocab List,對女人無的放矢嘅字有「臭閪」,鬧男人嘅呢?我諗唔到。因此,你會見到何潔泓郁啲就畀人鬧「臭GAP」、「臭閪」,但同樣被打作左膠嘅周諾恆,大家鬧嚟鬧去都係「仆街」、「死左膠」,冇第三句。何潔泓雨革期間對大家鬧佢係「臭閪」嘅回應收斂如隔靴搔癢,我無謂大造文章;但容我FF吓,如果佢真係要where爛面同大多為男性嘅批評者罵戰,佢可以鬧咩呢?鬧人「短撚」?定鬧人「早洩」?講笑,「短撚/早洩」從來唔係既定俗成嘅鬧人說話,講出嚟好滑稽;因為語言工具嘅局限,操廣東話嘅女性根本無用「性語言」傷害男人嘅能力。

 

 何潔泓對被指「臭閪」嘅回應

何潔泓對被指「臭閪」嘅回應

 

然而,要逆轉呢個唔平衡嘅權力關係,唔係要你鬧返男人「短撚」,而係要你主動話畀對方聽「你鬧啲咁irrelevant嘅嘢我係唔會受傷㗎喎」,將現時對方手上批評到你體無原膚嘅利器瓦解,先係長遠對女性有利嘅做法。

可能有畀人鬧過「臭閪」嘅你覺得我太離地,畀人鬧完一輪,呻吓都唔得,講句Feeling offensive都唔得。好喇,問返你,畀人鬧你生仔、性交嘅重要地方固然嬲喇,咁你平時畀人鬧「on9(批評你做人價值喎)」、「柒(批評你行事作風喎)」同「弱智(批評你智力喎)」,你會唔會喺Status出聲明去譴責人吖?唔會呀嘛,因為你明知「on9、柒、弱智」都只係意氣之話、無傷大雅呀嘛。咁點解一去到性器官又要好似石佩妍咁大陣象,要大動肝火地指出對方「無恥」、上綱上線咁話對方「取笑、控制我身體」,然後Chok個勇敢嘅語氣嚟話自己「絕不會屈服於你們的性暴力之下」,弱者姿態絕對可以團結左中右,令世人動容。但大佬,石佩妍用嘅Discourse全部都再次確立對方係「強勢嘅施暴者」、而自己係「被動、可受傷嘅弱者」,又喺女性地位度踩一腳,我屌你喇。

陳雲於雨革期間揶揄學聯嘅石佩妍「果然升級了」

陳雲於雨革期間揶揄學聯嘅石佩妍「果然升級了」

 

石佩妍激動譴責陳雲

石佩妍激動譴責陳雲

 

埋得左翼堆,仲要為女人講嘢,請你堅強點,扛起左翼要扞嘅重擔。的確,鬧你嘅人來意不善仲要好煩膠,而生於九十後社會嘅你,喺2015年聽到人鬧你一句「臭閪」,所造成嘅傷害揮之不去係人之常情;無論再清醒嘅社科人,都未必有能力將明知Socially Constructed嘅傷害同自己真切感受到嘅傷害分開,呢點我絕對明。但作為薄有名氣嘅社會行動者,理應係思想嘅先鋒,我對你嘅要求自然會高(嚴以律己at the same time)。每個人嘅一言一行都大大力Shape緊我哋未來嘅社會嘅Norm。大家夾手夾腳,將呢一刻好似難聽但其實無殺傷力嘅一句「臭閪」吞咗落去,消化再瓦解。到底廿年後嘅社運囡囡、甚至任何女性畀人鬧一句「臭閪」會「feeling offended」定「feeling mindfucked as 完全唔知對方想鬧佢乜」,就睇我哋呢代閪-owners點面對呢啲語言暴力鳥。

 


 

後話: 個人嚟講,我唔介意畀人用Sexist嘅語言攻擊;打咁大段字,係因為石、袁二人好明顯介意畀人咁話佢。咁當然喇,我唔識佢哋,唔知佢哋為人,又點會知佢哋真係介意畀人言語騷擾,定只係用「女性as弱者」嘅身份嚟Trap政敵?

父權社會將女性變為弱者之際,當然會畀返一啲甜頭畀聰明嘅「女性霸權主義者」(=/=女性主義者)。男人呀男人,唔想畀班女性霸權主義者(aka食兩家茶飯嘅女人)食住曬?Feminism會幫你,來吧來吧來吧。

無待堂呢篇講女性霸權主義者點利用父權畀佢哋嘅本錢作政治資本講得好清楚,不贅。 (傳送門:http://dadazim.com/journal/2014/11/weapon/ )

另,無燒到落到「陶君行唔願屌」嘅梁麗幗嗰疊,係因為我印象中梁麗幗對陶君行嘅回應淡然而得體,無犯到「衝出嚟弱化女性」嘅老毛病。但如果我記錯的話,就當我已經屌咗佢喇,懶,唔想摷佢舊Status喇。

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================