笛子摸曈

她們都是痛大的

Decrease Font Size Increase Font Size 文字大小 列印

12212540_1520444728276906_1791210912_n

 

女人說不痛,已經是男人,不能承受的痛。

痛,係一種由肉體神經源將皮肉感覺傳送至腦部嘅其中一種反應,係會因應唔同人嘅敏感度有唔同嘅反應,就好似食麻辣龍蝦仔咁,有人小辣就已經死人咁嘅面口,有人就想繼續加辣。所以人地講唔痛,你千祈咪信。佢接受到唔代表你唔會覺得痛,記住「他不代表我」。我身邊有朋友紋身,有紋英文名,動物,經文等等,都係笑笑口答我:唔痛架。

醫學界將痛楚分做十級,生仔係十級痛,經痛係四級痛,破處係六級,成日話嘅「牙痛咁聲」其實都只係排第四級。女人由細到大都經常係喺痛苦之中成長,你冇M痛就恭喜你先,你好彩。所以女人能夠承受嘅痛,係公認比男人「吃得苦」。當然我都聽過保守派基督徒(唔開堂口名啦)表示,生理痛係上天對女人嘅懲罰,因為當年夏娃引誘阿當吃禁果云云。但係我本人都係信科學多D,所以宗教嘅解釋對我嚟講意義唔大,當呃水吹囉。

 

外國有醫院做過實驗,由幾名男士帖主微量電擊貼去感受女人生細路嘅苦路,結果個實驗同痛度未到一半班男人已經典哂床,有一個仲有輕微失禁添。網上就係流傳呢一條影片,影片中以電擊去俾男士們感受生育嘅痛楚。

 

 

睇完先前提及嗰條片之後,我希望喺呢度向各位母親,準母親,女友甚至女人致敬。生理痛係比香港法律更公平,因為只要你係一個健全嘅女人不論貧或富你都會中,所以應該係女人之間最公平嘅事。有生理痛嘅人每個月總有幾日瞓唔好,痛十幾個鐘同你生個仔,煩躁係必然,男人,再難忍都要忍。如果男人每個月姨丈到都會痛,我相信一定有人想做太監。

 

小弟十五年前已穿耳,女友都說我釘咗了十多個,還上癮了,當然不會痛啦,身為男人,我都想體驗一下女人所謂唔痛係有幾痛,咪試下打幾個窿,膽粗粗去試下啦,點知我一見到支針槍,個心同汪阿姐個廣告一樣,離一離,枝針同縫紉針嘅針頭一樣粗呀頂你,一諗到用枝甘大枝打穿耳,怎可能好似我個女人話齋:絕對唔痛!可惜我當時想縮嘅時間都冇,枝針槍已經啪咗一聲,嗰下聲音好似壁布版用D釘槍聲,標哂眼水,但係死都唔話痛,男人要man嘛。痛,是一定的,但可以接受,就好似俾人用豆槍射一下咁樣。男人能承受嘅生理痛楚其實唔大,很多男人都受不了穿耳,脫毛等等痛楚,我之前都講過我脫毛友己慘烈啦,所以我十幾年後我已經唔想再穿耳紋身。痛唔係問題,問題係捱得痛唔代表我英雄。

 

當然亦都有路邊傳言話,穿耳同紋身嘅男人都比較有忍耐力,有責任心,堅強同堅持,屬實嘅話就唔好再話帶耳環嘅男人係同志,左Punk右Gay。同志係堅強,意志堅定嘅一群,起碼,佢地做到我地做不到,或者不敢做的事,就好似光良/梁靜茹首<勇氣>話齋”愛真的需要勇氣,來面對流言蜚語”。心理生理都受過唔同級數嘅痛苦。

 

紋身,被視為痛覺與肢體間嘅藝術。我個妹,十年前喺腳眼位置紋咗一個公仔,我問佢痛唔痛,不過唔知點解我問親有紋身嘅女性朋友都係咁回答:唔覺痛。嗰次我當然不再信女人所謂的不痛,縮沙唔去紋身。

 

01

 

其實網上都有資料分析各部位紋身嘅痛楚級別。原來小腿,腳眼只係二星級痛楚,貓刮一樣。最痛,當然係紋最多神經源嘅下陰。原來好多女士喜歡紋嘅腰位,原來係五星痛,但仍然見到好多女士紋在腰間。「少林寺」嘅左青龍右白虎,原來只係一星級,小氣方丈原來只係靠嚇姐,下次見到方丈我一定拉佢去暗角,向佢show off我枝「鑌鐵盤龍棍」。遲D我地有機會去油麻地果欄,我地不妨睇一睇位置就知道,佢係咩級數嘅「果欄」羅漢,挑機都想食菜嘛。

 

「港女小時候」其中一個最熱門嘅open secret當然係:破處有多痛/邊個破處唔痛。有女仔會話好似「將傷口撕開嗰種痛」,有女仔會話「塞蛋入鼻」。我嚴格嚟講唔算係一個鮑魚食家,分享唔到。但係根據以上經驗,大部份女人都說痛的事。對男人來說,應該是好。撚。痛!!!

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================