十里夫

狗公「目及」女經2:「目及」女預防情緒病

Decrease Font Size Increase Font Size 文字大小 列印

???????????????????????????????

Fresh grad同事Alan近日被拍拖半年的女友提出分手 (長年讀者們,你沒看錯,小弟失業多年後終於找到工作了),原因是女友不滿他一起逛街時總顧著gup女。同為雄性動物,小明深明gup女這種事確實是本能 作祟難以自已;對於Alan的不幸,小弟所能做的,只有放工後請他飲返杯外,同時心中暗自慶幸死毒男找不到女友原來尚且有可以自由gup女這個好處。

「你話嘞,喺街到見到件S型腰,細細粒,頭髮長長,腿又幼嘅,點忍到唔gup先?」在諾士佛臺地下某酒吧一角,Alan隨便見了杯Stella就開始呻。

「我明,但呢個原因你唔係真係講得出口掛?」此時小弟仍未決定後要點甚麼,因為後面那張檯正正坐著數名S型腰,細細粒,頭髮長長的T恤熱褲少女,以致回答Alan時其實也不是很專心。

「我同佢講左句『對眼有時唔受控制』之後,佢就唔肯覆我whatsapp啦……」

小弟對Alan的遭遇實在深表同情,而且由於當晚有女gup所以心情大好,半懂不懂的點了杯威士忌 (印象中好像是Canadian Club),也不顧自己從未脫離單身的事實,嘗試給他一點意見。

「如果你真係想箍煲嘅,一係同佢講清楚囉。男人 (唔係gay嘅) 出街gup女,唔等於覺得個女朋友唔夠人哋好,亦唔等於見異思遷架嘛。雖則有女朋友呢啲機會永遠不是屬於我的,但我都明gup女同真係心動想媾、甚至係產生性幻想可以係完全兩回事嚟嘅。」

「gup到靚女直程連心情都舒暢啲添!」Alan點頭認同。

「你試下照白同佢解釋下啦。其實我真心覺得只要唔好過火,gup女直頭係一個情緒調節機制嚟,我失業嗰期之所以冇變隱青同冇抑鬱,或多或少都係因為成日出街gup女咋!」

這句其實絕非虛言,雙失會令人自我形象嚴重低落,小弟是過來人,自我形象低落會容易抑鬱,小弟絕對感受過,但作為一件狗公,陳奕迅《裙下之臣》歌詞 中的那句──「活著就是無樂趣 也勝在有女人」──小弟實在不能同意更多。情緒低落之際,出街望望一眾大學中學的青春少女,真的會頓時覺得生命滿希望,聽 日一定會好天嘅。

本來還以為忽然由gup女說到抑鬱,Alan會不知該如何回應,怎料他竟然雀躍地說:「抑鬱呢個理由掂喎!橫掂我中學同大學嗰陣都唔係未試過食藥,同佢講話gup女可以抗抑鬱可能有得救喎!」

一般來說其實不應該隨便跟同事說自己有情緒病吧?而且還是在酒吧這種公開場合。結果小弟立刻感受到旁邊有三兩投射過來,可能由於抑鬱這個話題,亦可能因為「gup女抗抑鬱」這個概念太匪夷所思,小弟也只好裝作不知道。此時我再一次望向後面那檯T恤熱褲少女,不禁想到小弟平日在街上gup的年輕女孩, 長髮幼腰白滑美腿背後,又有多少其實正受情緒病困擾?

面對這麼一個致鬱的問題,小弟這種毒男,也僅能拿起杯中的酒,一飲而盡。苒苒都市抑鬱,如影隨形,無能為力。情緒病患者,身邊隨時有一個;惟之於小弟,明天仍有女可gup。

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================