副編

點拍拖都好,始終都唔可以冇咗自己

Decrease Font Size Increase Font Size 文字大小 列印
maxresdefault

兩年前嘅十四巴港女事件,曾經引起網民一陣有關男女關係嘅討論

 

以下我嘗試用一種比較學術嘅角度去講解一下拍拖呢個社會現象。

同人拍拖本來就係一種對他人嘅投資:因為我鍾意佢,佢又鍾意我,於是大家就會覺得彼此可以展開一個穩定嘅感情合作關係,大家互相對對方投放感情,又或者係投放精力做啲令對方開心嘅事,而持續呢種「穩定嘅感情合作關係」,就叫做「拍拖」。

十個有拍過拖嘅人,十個都會有分手同失戀嘅經驗,而且絕大部份分手嘅經驗,都會存在住痛苦。

點解分手會係痛苦呢?「分手」就即係意味住,雙方將會終止呢種「穩定嘅感情合作關係」,對於被終止關係嘅人而言,呢個人以後都唔會再對你穩定地投放感情,又或者係肯放時間做令你開心嘅事。對於主動終止關係嘅人亦都唔會係一件好過嘅事,因為多數驅使人主動終止關係嘅原因都係,佢覺得呢段關係於短期同長期而言已 經唔能夠帶畀佢好處,因此已經冇持續落去嘅需要,換句話嚟講,即係覺得同對方已經淡晒啦,覺得對方已經畀唔到激情佢啦,又或者佢覺得對方同自己唔夾,覺得要就佢好麻煩,咁囉~

無論係提分手嘅,定係被提分手嘅一方,一個佔據自己生活時間一定比例嘅人如果突然之間消失喺你嘅世界:以後冇人同你 煲電話粥,冇人同你分享心事,冇人同你做呢樣做個樣嘅時候,咁雙方都需要經歷一段因為突然無人依靠而帶來嘅陣痛(個陣痛幾長,就視乎情況啦),而呢個大約就係痛苦嘅來源。

點樣可以減少痛苦,又或者令痛苦消失得快啲呢?我嘅答案係:拍拖拍成點,點樣都要做「自己」。

咩叫做「做『自己』」呢?我嘅定義係:
1. 建立自己嘅價值觀
2. 捍衛向他人表達自己感情嘅權利
3. 唔會隨意改變、扭曲自己性格
4. 維持自己現有嘅生活,唔好輕易放棄自己想做或者應該做嘅事

點解人一定要做「自己」呢?或者我由一個比較哲學少少嘅問題開始:「人點解要拍拖呢?」我膚淺地咁講,仆街啲咁講句,拍拖,一句到尾,其實都係為自己happy。自己唔happy,點拍拖都拍得冇癮。

或者又有人會問:咁點解有時候啲人覺得唔happy都會繼續拍呢?用一種效益主義嘅角度咁睇,其實就係因為覺得呢個人覺得「即使我係唔happy,但只要對方happy嘅,咁我都會happy嘅!」即係拉返勻,佢就算唔happy,佢都仲會得到happy嘅。而我聽講,有人叫呢種做「愛」。

但無論點happy唔happy都好,睇返成個過程,其實都唔可以離開一個「我」字。一段關係如果冇咗「我」同「你」,淨係一味就晒對方嘅話,咁對方到底仲係唔係同緊一個「人」拍拖,定係一部幫你做撚晒所有嘢聽晒你order嘅機器人拍拖呢?

人之所以係人,係因為人有意識,人係有感情,正正就係因為咁,拍拖先至咁撚好玩,但你如果選擇作賤自己,令到呢個遊戲變得咁單調,咁對方就梗係覺得拍拖拍得悶啦!金枝慾孽嘅爾淳都講過,要得到男人歡心,一定要「欲擒故縱」嘛,古語亦都有云「欲拒還迎,____」丫嗎!所以人呢,真係點樣都唔可以喺拍拖嘅時候冇咗自己嘅感情,令自己經常處於被動,因為喺一段關係之中冇咗「自己」,除咗對方會覺得你失去咗當初佢鍾意你嘅特性之外,一味淨係「聽話」之外,當你畀人飛嘅時候,你自己就會變得甚麼都不是。人如果可以拍拖可以有返「自己」,就算一個唔覺意,真係唔好彩地遇著一個唔啱的,你起碼都唔會痛苦得咁耐,又或者係咁辛苦。

或者有人睇到呢度會問:下?一味做自己,咁同之前電視個啲唔肯打扮嘅盛女有乜分別?

我可以答你,係有分別的。上文想強調嘅係一段關係之中嘅「我」,而唔係要講一段關係只能夠有「我」。一段健康嘅關係,當然係需要有「我」有「你」,最好就可以勁到「我中有你,你中有我」啦。盛女個case就係,佢得返「我」,而我想強調嘅係,人唔應該咁易放棄「自己」,但我絕對唔覺得人應該完全唔改變自己,我唔會反對人去為佢嘅另一半改變「自己」,而前提係,佢要先有返個「自己」去改變。當然,要唔要改變,點樣改變,呢個絕對係其他人自己嘅選擇。

最後我都想講多一句:人生唔只得拍拖,如果人生係冇拖拍嘅話,固然可悲;但人生如果只係得返拍拖嘅話,其實亦都係另一種可悲,人如果想happy,想搵到成就感或者滿足感,其實都仲有好多地方可以搵到嘅(唔係叫大家叫雞),但無論想點都好,首先,你要搵到「自己」,因為只有自己先知,乜嘢係最適合自己的。

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================