西利膠

公廁 vs 陰道

Decrease Font Size Increase Font Size 文字大小 列印
photo via cc flickr user jawanijaneman071

photo via cc flickr user jawanijaneman071

 

係雞、係公廁聽得多。咁大家又知唔知,其實女性嘅人體構造係點嘅呢?(利申,識得google,啱啱google咗,bio只有會考程度得B,陰功)

如果所謂「公廁」嘅陰道係公廁,咁少年,你真的是太年輕了。你會喺公廁屙屎、屙尿,但係唔好意思,陰道係陰道,陰道裡面唔會有屎屎尿尿嘅。點解?懶google?無相干,link已貼上: http://lmgtfy.com/?q=urethra+female。 圖中所見,女人跟男人構造頗為不同。女人的尿不會從陰道排出。而是經過一條分開的尿道 (urethra)從另一個排口(urethral orifice) 排出。至於糞便呢?不要說笑了,若果真的從陰道排出,咁真係濕滯喇,諗起都驚。試想想如果用條J嚟屙尿屙屎,咁好快啲大腸桿菌會令你條 5cm J J 發大到夢寐以求嘅20cm喇…點解?發炎囉!屎好多菌架。

所以呢,要屙尿屙屎,去返廁所啦,女人嘅陰道唔係用嚟去廁所嘅。射精?咁又冇問題喎,陰道嘅存在就係為咗正常嘅性交,為咗懷孕生BB,咁樣好正常喎。如果女人嘅陰道係「公廁」係「廁所」的話,咁難聽講句,你都係好似舊屎咁喺個廁所到爆出嚟?扑嘢啫,咁都要比你譴責要比你批判?咁女人點先唔算係公廁?仍然是處女?咁小龍女俾人強姦咗係咪又係雞又係公廁?咁男人性濫交係咪又係公廁?而家好似唔係對等喎,男嘅性濫交就係勁就係食女無數就係adore嘅對象,食鬼妹更加上神台受萬人景仰;女嘅就諗都唔使諗,一定:「係雞係公廁」、食洋腸、水性楊花、幫人含啦、去果啲地方預咗啦!

其實就算令你幾唔開心幾深深不忿都好,你都需要明白女人有權喺雙方同意下啪啪啪,而呢個係人權嚟嘅,唔淨係男人嘅專利。女人唔需要受到任何人嘅批准、批判而可以喺唔侵犯別人嘅情況下做佢自己想做嘅嘢,包括性愛。一個女人性濫交但係有安全意識,咁其實佢分分鐘「乾淨」過你唔用套同你嘅前任,大前任,現任女朋友扑嘢架喎。點解唔係做錯事但係要比堆男(女)人指住講到「係雞係公廁」咁難聽咩?就係因為佢有生之年性伴侶多於0人?同自己想扑嘢嘅對象搞嘢又幾時關所有人事?性愛之事,你情我願,但因為純粹性伴侶超過一個數目:0?5?10?20?30?嘅話就已經要比人批判並背上「公廁」呢個咁難聽嘅名,咁真係未免過份咗啲。

做人積下口德唔會死嘅。你女朋友都好大機會唔係處女啦(拜託,依家已經21世紀架啦,我諗婚前唔係處女唔駛浸豬籠掛?)咁如果係,咁同你扑咗嘢但係收尾段關係維持唔到落去搞到分手收場,跟住佢遲啲搵到自己鍾意嘅男人,同佢啪啪啪,咁佢又係公廁了?

我都係覺得:

1.性事係佢自己同性伴侶嘅事、選擇,干卿底事咩?

2. 嘢要調得返轉。同一個價值觀喺套用喺女人身上時,唔該原原本本咁套用返係男人身上。咁我哋再慢慢討論都未遲。

情慾,真係自主架喎,唔係嘅話,咁社會倒退一千年返返去女人完全受制於男權嘅時代吖?男權份子流晒口水都無用,因為sorry,冇時光機,而蟲洞仲未搞掂喎真可惜。大家真係咁想要就搵神婆通靈俾愛因斯坦知叫佢報夢俾你教你點整啦,祝你好運。

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================