搵老男人，最後咪又係講利益
我近日睇左篇文叫《戀父癖之謎：點解我揀老男人》。我就當堂嚇一跳，然後得啖笑。
『上左大學發現靚過佢既大把，仲要有波添。喂以前考第一嗰個又唔靚仔憑乜揀靚女先，出到社會發現有錢大把索女投懷送抱囉。』
話個男人出到社會發現，有錢有女投懷送抱就會變心，其實女人出到社會同樣發現，喂等一個年輕人發奮上進，不如直接搵個事業有成嘅男人，預訂同買現成邊個會等呀係唔係先？
Come on James，人地果個係醫科生呀，有錢有家境大把前途，唔通仲要你咩。
其實講到尾，咪又當自己係件貨，邊個出價高唔洗分期付款，可以一筆過找清條數嘅話，咪快快手手賣自己出去囉，就係咁簡單。
『如果我係鑽石王老五，你估我會揀廿歲雙皮奶定四十歲巢皮奶？…揀老男人就唔同，當我想邁向人生另一階段既時候，佢唔會同我講佢仲未知想要邊種女人，想拍下散拖浪費大家時間，佢隨時 ready 。』
你又係講真好岩嘅，識叫一定叫高級雞。阿叔果邊當比錢玩下援交，乾淨少少又唔洗怕同人share。得閒比下零用錢當做下契爺，口才好仲可以慳返D生果金。更重要係，有錢會變心唔一定係後生仔，阿叔都可以有錢變心，所以搵後生仔定老男人，根本冇關係。見異思遷根本就係睇人，呢個係本性有關，同年齡完全冇關係。而事實上，年輕又事業有成嘅男人本根唔會睇上一個普通小妹妹，睇透花花世界嘅男人，更加會揀唔結婚搵個後生女玩下啦。
如果阿叔係鑽石王老五，大把年輕肉體等緊過嚟投懷送抱，如果個靚妹話要結婚，飛左佢可以又搵過第二個，因為阿叔有本錢有市場，有錢唔愁冇後生女埋身，洗唔洗成世人只係入一個山窿呀？
條女倒頭嚟咪又係要搵返個毒男埋佢單。
呢個世界就一定有識於微時白頭到老嘅人，又一定有中途跳船嘅人，其實只不過係愛情上嘅選擇，本來就係個人嘅自由。
但如果一個居於深水埗阿叔，成年都穿著同一件白色泛黃背心底衫，紅藍格平腳短褲，藍色夾腳港產膠質人字拖，個肚腩係底衫同短褲之間調皮地野外露出，有返幾個錢，平日最大興趣係去叫雞。
而呢一位深水埗阿叔，再靚嘅女人佢見過，再姣嘅八婆佢溝過。
食過一千蚊一個lunch，捱過20蚊一碗魚蛋河。
唔會再對花花世界感到好奇，看透愛情鳥倦知返。
你會唔會覺得好吸引，覺得呢個叔叔好正正子？看透愛情成熟穩重？
唔會？
知自己唔夠競爭力係件好事，但係唔好合理化左件事囉。
講咁多做咩，倒頭嚟咪又係做……
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
