「相由心生」？邊撚度生？睇過？
近日連詩雅喺旅遊節目《帶著矛盾去旅行》嘅各種港女行為，喺網絡上掀起咗一場爭論
作為一個醜女人，呢句說話對我打擊之大真係唔係一般人能夠理解。可以隨便用四個字，用先天因素否定哂你由內到外整個人，簡直係殘忍。
最仆街都唔係話信相由心生嘅真小人，而係話自己唔會以貌取人又犯以下死罪嘅偽君子。
之前工廈石屎埋屍案，個mk靚女小草同班男人千絲萬縷嘅關係直程似翻版野狼與瑪莉，由小草篤班仔出黎開始已經好多人爭住維護小草bb，咁講真嗰陣冇理由未審先判話人一齊著草就有份嘅。
吖點知之後有報道話小草承認自己曾經同3男子商討殺人計劃，我心諗年紀輕輕玩意圖謀殺你都算有前途，點撚知高登竟然仲好撚多人護住個女神：「呢D case個女仔應該無份殺,只係被迫參與」、「睇個女仔fb真係feel唔到佢做得出殺人呢種事,根本只係普通女仔一個」……
真係嚇死老娘，係囉相由心生囉！個樣咁純，條腰咁幼，對腳咁長，皮膚咁白滑，又點可能係壞人？佢地個腦可能唔係生喺頭入面，係生喺龜頭入面。我有理由相信如果小草個胸有32D，有人會喺庭外抗議爭取小草BB當庭釋放。如果佢係豬扒就大穫了，一定係主謀啦屌佢，唔坐返廿碌唔好諗住出黎。
仲有個連詩雅，先唔好討論係咪節目效果，平時將港女港女掛喺嘴邊嘅男人面對 shiga bb 嘅長腿誘惑，抵抗力立刻歸零。「連公廁係港女但真性情，唔作狀，呢舖我撐公廁」、「連詩雅好真唔作狀，其實都OK ，至少敢作敢為」。
喂大佬做乜呀，好真呀，節目中呈現嘅真係遲到、真係阻住隊 crew、真係弱智生活不理自理嫁喎！做乜表露一切缺點又變左做真性情唔做作？問心嗰句，大家平時屌過幾多港女鍾意名牌、冇內涵、要人服侍、扮可愛、鍾意遲到先？點解喺連詩雅身上變左敢作敢為先？如果係蔣麗芸？一早俾人屌到上天花板啦。條腿咁長仲遲到真性情啦，把聲咁嗲仲鍾意名牌唔作狀吖，講咁多咪又係樣作怪。
不論男女鍾意美麗嘅事物係天性係好自然嘅事，但如果你嘅視覺享受會影響到你分析一個人嘅內心甚至與人嘅交往，我會好睇你唔起。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
