【風月亭情感信箱】大我十年嘅男友同我sex方面唔合拍可以點？
讀者來信：
Hello,第一次來信專欄，希望冇揀中都可以解答一下疑問啦～
我今年廿四歲，同男朋友拍拖兩年，佢大我十年。我地情感上可以話係對方嘅soulmate，我地都好感恩遇到對方。不過係sex方面就一直都有啲唔合拍。。。一直以來都係一星期一次左右，因為佢係呢方面唔係特別精力好嘅男仔，而佢亦唔係次次都有出（我都好介意比唔到快感佢）。有時玩啲特別play嗰時佢會hyper啲，但始終都唔一定次次都出到，好多時都係佢中途攰左，就冇繼續。而最近更加一星期一次都冇，有時想撩下佢，但係佢又好似冇咩反應，我又唔想被reject，於是就繼續係屋企抱下攬下睇電視就一日，雖然都好sweet，但係其實我又好想要。。。（不過我又唔擔心佢因為有異心所以冇性趣，因為佢真係好好仔黎）。所以想問下男人到呢個年紀是咪有可能體力冇咁好，應該要點樣磨合呢？我又唔想佢覺得我好大食，比唔到我會覺得自己唔掂，所以都唔識點同佢傾好，求賜教！
亭長回應：
照你咁講，其實你男朋友都34歲，你諗你都唔可能期望佢嘅性能力會同一個24歲嘅後生仔一樣。講真其實一星期一次都唔算話太少，對於一個30幾歲嘅男人嚟講，given佢性慾同體力都只係一般水平嘅情況下，我覺得就真係差唔多。一個20幾歲嘅後生女慾求不滿係好正常，但你要明白你自己條demand curve同你男朋友條supply curve就點都唔match咖喇，你同得一個中年男人如果你男朋友唔會有操返Fit副Body嘅打算，你除左體諒佢，或者換第二個對象，其實都無咩好嘅解決方法。
副編回應：
我覺得如果你真係想得到滿足的話，其實點都要拎出嚟同你另一半講。不過，雖然話就話情侶之間應該盡量坦誠，但可以唔駛講得咁直接，你地可以試下由一齊睇AV入手，又或者可以買啲性玩具返嚟一邊做一邊玩，等佢可以冇咁攰之餘又可以增加情趣。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
