【風月亭情感信箱】本土派少年應唔應該追黃絲大學同學？

Photo by Alice Fong （和理非示意圖）

讀者來信：

亭長你好！

我同佢都係大學生，我中意左佢已經有一段時間，但係近排我先知道大家嘅政治立埸係好唔同，我係本土，佢係黃絲，我支持青年新政，佢就支持泛民多啲，咁我仲應唔應該追？有心人上

亭長回應：

你問呢個問題，其實姐係等於問緊我兩個世界嘅人應唔應該一齊。

男：「個攝石人Oscar日L日周圍攝真係好On9。」

女：「唔係啊！我覺得Oscar係真心為香港，香港眾志成班都係有為青年，我諗住捐錢比佢地咖。」

女：「BB你遲啲去唔去七一遊行？」

男：「下你仲諗住去仍然自由自我永遠高唱我歌鳩行千里？」

女：「本土派真係太暴力啦，點解唔可以和平理性一啲？」

男：「你條死八婆講少兩句啦。」

少年，你如果接受到就去馬啦。

副編回應：

我覺得你可以試下接觸一下佢先，睇佢為人係如何，如果佢係比較開明，會理解你嘅立場的話，咁其實問題冇你諗嘅咁大，或者佢會因為由你身上了解多咗本土派政治理念而改變立場呢？政治立場可能會影響你地嘅關係發展，但唔試過又點知呢？不過千萬要記住，唔好為咗對方而完全扭曲自己，咁樣只會令到雙方都辛苦。

（亭長按：副編真係好鬼樂觀啊喂！）

各位讀者如有興趣來信，請參閱以下連結：

http://eros.vjmedia.com.hk/mailbox

作者 亭長

你好，我是總編輯，又稱亭長。