又曦

多謝仆街讓我們長大

Decrease Font Size Increase Font Size 文字大小 列印

 

photo via cc flickr user Nadja Tatar

photo via cc flickr user Nadja Tatar

 

電影《春嬌與志明》有一句金句︰「成世人流流長,總會愛上幾個人渣。」

呢句話我深表認同,但某啲人如果只用「人渣」呢兩字嚟形容真係太睇佢唔起。

有啲人,就只配仆街呢個形容詞。

人渣有好多種,可以埋沒良心,又可以傷天害理、姦淫擄掠。

仆街唔一定會做呢啲衰野,他們可能衣冠楚楚、學富五車、出口成文……只不過,佢哋通常有一個共性——自私,極端咁自私。

 

明明已有女朋友,就同你講You are my true love,言下之意不過呃你上床做SP。

明明已經同你訂婚,轉頭話搵到真愛仲要有咗,仲鬧你唔成全就係你賤格。

明明共渡十年陪佢走過谷底,求其搵個難聽罪名趕走女友,只係為咗半年後娶個廿歲出頭第三者。

明明已經結婚,第三四五六者不斷,仲話老婆冇發現咪唔算傷害囉。

 

呢啲,唔係仆街自私鬼係咩?

 

仆街唔一定大奸大惡,可能心地善良、鍾意小動物、仲會扶阿婆過馬路。

只不過,一面對感情事,他們就會變成絕對利己主義者。

 

佢哋唔想害我哋架,但同得呢種人一齊,唔知點解最後受害果個一定係我哋。

個「唔知點解」其實都好易明︰

因為當佢哋要做選擇時,佢要犧牲果個肯定係我哋,就係咁簡單。

 

佢無愛過我哋?又唔一定無嘅,只係佢更愛佢自己啫。

 

「我搵到真愛喎,飛你好應該呀」

「我有性需要喎,出去偷食好合理啫」

「我雖然有外遇,但俾老婆嘅家用同照顧都無減少到,點算對佢唔住呀?」

 

企喺佢哋角度,梗係覺得自己好合理架,因為佢哋從來無用同理心諗下對方感受。

其他人會受傷?Who care?最緊要I feel so good——會咁諗嘅人,咪就係仆街囉。

 

仆街無分男女架,即係好似曱甴咁係一個種類。你會唔會追究曱甴性別?我就覺得無須深究。

遇上仆街最緊要唔好同佢糾纏,千祈唔好諗住用真情感化佢,就當自己見到街頭騙子有咁遠走咁遠。

事過境遷之後望返轉頭,我哋會訝異︰哇,原來個仆街咁樣衰!點解我果時會覺得佢靚仔咖痴線!

當我哋有咗呢種覺悟,相人嘅能力就會提高,人生亦會提昇到另一境界。

 

遇上仆街並唔係末日。

仆完街,企返起身,我哋會多謝仆街讓我們長大。

 

原載於作者Facebook

 

 

 

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================