男人大胸 女人大波

前排睇咗篇嘢叫《男人睇丁圖點解要讚要留言？》，又係一篇女人打飛機嘅冇腦文。

女人就好奇怪嘅，出親街好多時都覺得男人俾錢天公地道，睇戲俾錢食嘢俾錢糖水俾錢PANDORA俾錢，總之全部都係洗男人錢。

呢類女人一方面要男人有紳士風度，另一方面又要女權主義。佢哋嗰種女權思想就係要男女平等，同工同酬同樣升職機會，但AA制就係冇紳士風度，好男人就應該幫佢哋找數，唔好呢個時候先嚟同女人講平等。同男人講咩紳士風度之前，你哋不如睇吓自己係唔係淑女先啦！

最慘係因為呢種女權，佢哋可以係公眾場合大大聲咁話「哇，個男人嘅胸肌好大呀！」、「哇，你望吓嗰六舊腹肌！」、「佢手臂好粗壯呀！」。換轉係男人講「哇，個女仔對波好大呀！」、「哇，你望吓佢條腰仔！」、「佢條腿好長呀！」，呢幾句真係邊個講死邊個，靚仔都冇面比，如果生得樣衰真係有人會大叫性騷擾。

可能有人會講「胸肌」、「腹肌」同「手臂」都算係身體用開嘅專有名詞，如果係咁我不如改成「哇，對乳房有好多皮下脂肪組織係乳葉度呀！」、「哇，你望下佢後背肌肉操得好靚呀！」、「佢四頭肌同股直肌真係好好睇呀！」。

……咁聽法成件事根本就變態咗好多，好似睇緊人體奧妙展咁。

所以做男人幾慘，女人可以大大聲話男人胸肌大，物化男性；女人可以大大聲大叫我愛扑嘢，展現性自由。講完仲要有人讚有人撐，話叫做女性平權。換轉係男人公開場合讚女人生得大波，公開場合大叫我愛扑嘢，大家一定會鄙視同唾棄你呢位「死變態」、「死色狼」。

女人可以係公眾場合大大聲讚嗰堆不男不女嘅韓星大隻靚仔，但男人只可以自己收收埋埋咁睇囡囡。家吓只不過係有禮貌少少睇完講聲多謝比個LIKE留句嘢，又唔啱嘅。分分鐘佢哋根本冇腦到一個地步，連個Post講咩都冇睇，只係睇到「有人著得好少布」呢個情景就一口咬定男人鹹濕，真係WTF。

男人同女人嘅身體構造本來就唔一樣，簡單少少講女人容易累積脂肪，男人容易訓練肌肉，物理生理上已經有分別。所以我建議，一係就唔好開口埋口都女性平權，一方又要講咩紳士風度；一係出到街女人都要睇戲比錢食物比錢糖水比錢AJ比錢。

我個人就BUY後者嘅。

作者 Tabristory

我是個瘋子，有醫生的證明。https://www.facebook.com/tabristory/