【風月亭情感信箱】鍾意左個紅嘅私影妹，我點先可以追到佢？

讀者來信：

Hi, 亭長。我叫阿俊，中意左個幾紅嘅私影女，我唔識佢，佢又唔識我，咁我點先可以追到佢? 我識過FB inbox問過佢有冇興趣私影，但佢冇覆我，我好唔好問多幾次?定係簡簡單單甘inbox say 個 hi 就算? sorry for 1999

 

亭長回應：

你唔識佢，佢唔識你。

You know nothing about her.

佢係玩私影嘅女仔，咁我諗你「愛上佢」嘅原因，好聽啲講就叫一見鍾情，講白啲嘅話，就係睇中人地副青春肉體加精緻五官。不過咁，我都明白年青人嘅愛情就係咁虛幻。首先，given that人地係一個靚女（應該係，除非唔係），你應該先審視下自己又有咩條件去吸引人。人地同你三唔識七，你覺得人地做咩會無啦啦應你？除非你Profile Pic有吳彥祖咁靚仔，又或者成個Wall都係同心愛的Ferrari合照，唔係嘅話好難有計傾喎。另外，我唔知你講嘅約私影係點約法，正常Photographer應該都會比埋自己個Portfolio同Official Facebook Page人地，如果你求求其用Personal Facebook約人，又唔係真嘅攝影師（我唔知你有無真係影開啦下），佢睬你都傻啦。

拿，咁講，我覺得你都係J下人Facebook算啦。

副編回應：
雖然鍾意呢家野真係好主觀，個觸發點可以係啲好膚淺嘅嘢，不過愛情呢家野係需要雙向發展的，你同佢工作同生活上冇任何交集，而你inbox佢佢又冇反應，如果你本身唔係有咩過人之處（靚仔、有錢、有才華是但一樣），咁真係好難埋手，勉強炸佢inbox的話我諗你最後亦只會被當作痴漢處理。我係你的話，我會inbox多佢一次咁啦，不過都唔好有乜野期望，如果都仲係「襄王有心，神女無夢」的話，咁我都係勸你盡早抽身好啲啦。

各位讀者如有興趣來信，請參閱以下連結：

http://eros.vjmedia.com.hk/mailbox

作者 亭長

你好，我是總編輯，又稱亭長。