【爆房開房攻略】Ovolo 香港仔—五舊水靚海景炮房

Decrease Font Size Increase Font Size 文字大小列印電郵分享

【酒店資料】

Ovolo香港仔
地址：香港仔石排灣道100號
電話：3728 1000

Ovolo香港仔

前排公司來咗新囡囡intern叫Elaine，一到步就主動問我攞Snapchat，但我都一把年紀唔識玩，呢個妹妹就揸住我隻手教我點玩，我先發現呢個app係偷情神器。當然Elaine緊係要俾我呢個哥哥調教下啦，Flirt咗一排就到手，緊係要去周末啪啪啪啦，發現咗呢間奧華香港仔幾特別，有免費lounge同早餐，仲要係六百有找，緊係即刻狗衝book啦。

去到發現個位置都幾隔涉，喺香港仔再入少少，不過配套都齊嘅，有老麥同759喺附近，算係咁啦。

入去check-in就見到個lounge，原來係24小時開放，有咖啡機，汽水，啤酒(仲要係韓國hite)同有汽礦泉水，達人我心諗去落啲mk任飲場都要兩舊啦，淨係呢度都值回票價喇，仲要啱晒Elaine呢種mk偽韓妹。第一時間同佢飲兩支relax下先上房慢慢抽水啦。

汽水啤酒全日任飲！

夜晚5-7點會有個free bar係lounge度，其實都係多幾支酒俾大家整cocktail飲，同埋有幾款小食食下，對爆房達人來講就不過不失啦，但都係一個好機會隊到囡囡high high地，玩得free啲嘅。

Happy Hour有呢啲免費小食

Happy Hour期間可以自己溝酒飲，都係唔洗錢咖！

同其他四星比較，間房都算細，不過佢雪櫃啲嘢係免費，仲有個零食包都係，呢啲係其他酒店都冇嘅，加返晒分。另外佢電視係*有波睇*(英超果啲波)，有Apple TV 同有得借Xbox入房玩(要問reception有冇)，唔爆房同班兄弟聚下都抵玩啦。

房細細

Free Mini Bar

間房睇到海景

廁所都係冇浴缸，但佢啲沐浴用品唔係用平時酒店啲行貨，係有牌子嘅外國organic嘢，睇得出呢間酒店都唔會對住客慳皮。

廁所合格

除咗喺房啪啪啪外，呢度行幾分鐘就有個海濱花園，可以望下有香港漁港特色嘅風景，仲可以搭街渡或者巴士過海怡啲outlet。(太港女嘅囡囡就唔好帶啦，唔想一頸血的話)

附近環境唔錯！

酒店隔離有間外賣壽司店，啲壽司刺身都唔錯，價錢都唔算貴，我緊係要叫返個生蠔壽司嚟準備今晚嘅大戰啦。

呢間壽司鋪質素唔錯

過完夜晚三百回合後，朝早7-10點有早餐食，不過只係啲多士，火腿芝士，蛋糕，燒賣嘅嘢，冇熟食。不過免費嘅，無謂要求咁多，因為佢都有得加錢order 熟食早餐嘅。

總括來講，論房間質素同空間，呢間係差少少嘅，但呢個價位有埋商務式嘅配套同service，真係同粉紅色乳頭一樣咁少見。星期六日去維記過夜都唔止呢個價喇!

香港衣食住行乜都貴，人工又追唔上通漲，要儲到筆首期或者租樓都真係唔易，唉！土地供應問題呀。男男女女有需要果陣，無自己地方，但係Book房又貴到死，你話點算好？

平時Book時鐘閒閒地都要幾百蚊一晚，仲要得幾粒鐘趕頭趕命，平日生活已經夠忙碌，連扑野都要咁趕，要對自己同囡囡好啲，不如Book返晚平價酒店啦！HotelQuickly可以book last minute酒店房，去到半夜4點都仲Book到當晚嘅酒店！有好多本來價錢唔平嘅酒店，如果當晚賣唔晒，就會喺HotelQuickly特價放出嚟，真係窮人恩物，臨時臨急想平平地開房，識用一定係用呢個App，慳得一蚊得一蚊呀。

另外而家HotelQuickly已開始可以預訂一年內嘅酒店，去旅行都可以用啊！HotelQuickly仲有得訂好多唔同地方既酒店，包括日本、澳洲、柬埔寨、香港、印尼、澳門、馬來西亞、新西蘭、新加坡、臺灣、泰國、越南、菲律賓、緬甸同埋老撾。