成世人流流長，總會愛上幾個人渣
人的天性就是犯賤。垂手可得的覺得不夠挑戰性，踏破鐵鞋都得不到的偏偏魂牽夢繞，輾轉反側。
電影《春嬌與志明》中，有句對白真的說到心坎裏：「成世人流流長，總會愛上幾個人渣。」暗示自己也有相似經歷，正是講的人唏噓，聽的人心傷。愛上人渣，似乎是物理定律一樣必然。不理你是陳女士還是張小姐，遇見人渣就跟中雀屎般普遍 —— 一生人總有幾次。
若然不幸遇上了，只好淡然說一句：嗯，來了嗎？
阿嬌喺《公主復仇記》都識講：「呢個世界無真正嘅王子，只有人渣，同扮王子嘅人渣。」如此警世的格言，大家點解學唔到嘢。有時候回想，為何我當年會容許那個人如此蹂躪自己呢？每次提出分手要丟低我的是他，但一次又一次原諒他因而復合的愚蠢婦人，是我。不管身邊朋友如何好心相勸，明明每晚夜不安枕，擔心隔天醒來被打回原形，卻仍然死心塌地相信他今次一定痛改前非。既然是你自己沒有痛定思痛，繼續一頭栽到壞人懷抱裏的話，喂，幫你唔到喎。
佢賤格，只因你縱容佢對你賤格。如果佢垂頭喪氣嚟搵返你，你可以灑脫地頭也不回，有邊個傷害到你？下次想控訴佢有幾衰之前，記得，一個願打，一個願捱。
不過咁！我終於找到對付人渣的疫苗，而且不費分毫。
很簡單，因為歲月催人老。二十出頭，你有的是青春。每次say yes給機會他改過復合，是用青春作賭注：就算他故態復萌，頂多三五七個月之後重新上路，只是輸了時間罷了。假若已屆而立之年，你仲有幾多青春剩可以同佢玩？與其投放心機在一個往績麻麻的人，仲要唔知贏定輸，何不找一個各方面都與自己契合，而又有誠意走到最後的人呢？
人老咗，身體自不然會排斥人渣。畢竟王子和公主，好少有五十歲先開花結果嘅。
=============================================
Mall Mall Store貨品來自英美，代購費用低廉！
經連結申請DBS Black World MasterCard，新客戶即賞額外1,000里數，迎新優惠可享$1.2=1里。
iHerb售賣美國有機健康產品、日用品、護膚品等等，買滿指定金額可享免費順豐送貨。首次購買結帳時輸入DCP206折扣碼，可享$5 USD折扣。
=============================================
