瑞秋

的士佬的戒煙論

Decrease Font Size Increase Font Size 文字大小 列印

記得當日正好係大時大節,眼見阿媽之奪命追魂Call已經殺到埋身,情急之下打工妹都要“割肉還母”——搭的士走。

 

“你好,請問去邊。”上咗車後,個的士叔叔好有禮貌,目測佢系一個肥肥哋嘅中年男人。

 

“麻煩去XX。有D趕時間。”

 

然后,架的士好無奈咁緩緩跟住前面架的士嘅Pat Pat,緩緩咁開入紅隧。前面路況比較塞車,佢系倒後鏡望咗我幾眼忍唔住開始搭訕。

 

“你有心事啊?”

 

“我?”當時覺得有D錯愕,冇諗過系的士度有人會咁問自己。

 

“呃……系啊……失戀”話說出口之後,環境之中爆發出尷尬的氣味。

 

佢突然之間轉咗個話題,“我食咗二十年煙啦,日子計落黎到宜家戒咗煙都差唔多十年。”

 

“點解要戒煙嘅?”我問。

 

我系倒後鏡望到佢圓圓嘅四分之一臉,佢嘅眼神先系有D沉重,一瞬間又似乎變得平和,佢話要同我講一個關於佢自己經歷過嘅故事,個故事系影響到佢點解戒煙嘅。

 

我望一望前面塞滿五顏六色鐵皮車嘅紅隧,似乎自己都穩唔到一個拒絕嘅理由。

 

“好記得當日落雨,系九龍塘接到一個年約五十幾嘅中年男人去機場。個男人只系拎住一個好細嘅手袋。

 

咁我口多多咁問佢系唔系去接機啊?佢話唔系,而系去加拿大觀禮,佢個仔結婚啦。

 

當時嘅我好似今日咁問你,你系唔系有心事啊?

 

佢話自己患有肺癌末期,剩翻嘅時間唔多嘅啦。後生嘅時候成日消耗自己,把口就話擔起頭家壓力大,需要出去或者穩D野消顯下時間,其實只不過為咗逃避現實穩藉口黎嘅。後來個老婆最終都頂唔順就同佢離咗婚,改嫁咗去加拿大,仲帶走埋個仔添。佢話當時自己離婚嘅時候,只不過系三十頭,對男人黎講真系大把世界啦,女走女還在,仔都可以再生嘅啫。點知咁就玩咗幾十年,玩到自己一支公留系香港,仲有埋呢種病添。

 

一時之間我都唔知點安慰佢,個中年男人擰擰頭自己繼續講,其實佢系個醫生以為自己接觸生老病死以為已經習以為常嘅啦,點知睇翻自己X光片肺部中陰影個陣,依然仲會覺得好震驚。

 

佢嘅故事講到尾,我哋都差唔多到機場。佢臨走嘅時候佢問我,有冇細路仔,我話有一個幾個月大嘅仔。佢話真系羨慕我仲有時間可以對屋企人好。

 

佢走咗之後我望下系車頭剩翻嘅半包煙,就忍住唔打咗個電話比老婆。個次之後就真系下定決心戒煙,我呢D揸車老成日早出晚歸,所以我想剩多D時間陪下老婆仔女。”

 

“咁你用咗幾耐時間去戒?”

 

“一個月!”

 

“只要下定咗決心,可以先比二十日適應期自己,再比十日緩衝期去自己過渡。定個目標然後一步步行,其實戒煙冇想象中咁難嘅。”

 

聽完佢個故事,同佢戒煙嘅時間理論。我開始覺得呢趟的士系我咁大個女搭得最值嘅。

 

曾經有人用香煙比喻過愛情,任何野成癮都因為有所依戀,戒不掉的是心頭那一個念念不忘,然後轉變成習慣,並且認為呢個習慣最舒適,好似隨時隨地都可以罩上一個玻璃膜比自己嘅心一個棲息嘅地方。至於佢系唔系一個適合自己棲息嘅地方,其實連自己都唔系好知道,但個一刻好掛住屋企人,好掛住媽媽煮嘅有D偏淡嘅餸。

 

我再一次通過倒後鏡望到的士佬對眼,突然覺得佢好“朝偉”。並非佢個樣真系好似梁朝偉,而感覺合乎接近啱落畫個套電影《擺渡人》中朝偉嘅角色。

 

我系度諗,究竟呢個的士叔叔宜家又系邊呢?細細嘅車廂內又曾擺渡過幾多個浮游嘅心靈呢?

 

=============================================

Mall Mall Store貨品來自英美,代購費用低廉!

http://bit.ly/29bRWoO

經連結申請DBS Black World MasterCard,新客戶即賞額外1,000里數,迎新優惠可享$1.2=1里。

https://go.dbs.com/29fpTdL

iHerb售賣美國有機健康產品、日用品、護膚品等等,買滿指定金額可享免費順豐送貨。首次購買結帳時輸入DCP206折扣碼,可享$5 USD折扣。

http://bit.ly/29hCycg

=============================================