連載小說—《地獄異聞錄》（一）：【皇城之下】

雖然膽生毛身邊不乏女女，但因為塊毛大痣關係，佢雖然外表風光，但內裡自卑，所以同女士們都係嘴下摸下算，而唔肯破處。次次女仔問佢點解唔肯拔出寶劍，佢都懶有型咁話：「我要留返比我最愛的人，就係我將來嘅老婆！」
不過男人，啊唔係，應該係人總係講一套做一套架啦，佢點會唔想破處丫。 由於佢自卑心作祟，唔敢同「正常」女仔做愛，於是，佢只好暗暗地打算講處男第一次奉獻畀「中介人」介紹嘅女女，即係叫雞！
不過膽生毛咁有家底（而唔係有米，因為佢老豆從來唔肯將錢過俾佢手，佢只係靠阿媽俾有「幾個零」的零用錢而過活），當然唔會好似我同你咁，第一次叫雞唔係爆馬欖就係撳鐘仔，而係走去強國買服務。當然啦，唔係咩常平或對面河個D地方，而係一係唔去，一去就要去最勁嘅地方–––首都「皇城」！